Sanja’na Rose Amrozi
Padduna Langgar
Ga’-galaga’ colo’ aoca’ Ta’ tao apa se manjeng lakka’ Se laen berka’ alonca’ ka langgar Aba’ nompa’ beca’ entar neggar Ta’ burung atena rengtowa dhuwa’ gaggar Ngabas ana’ se ta’ tao ka padduna langgar 02 Laher, 1444 HOkara
Cekka'na lampat se aoker daddi okara Nabur aksara da’ karampadanna dunnya Kopeng mardha se epentel kasadharan Ban gaggarra aengmata kamalowan 04 Laher, 1444 HBACA JUGA:
- Dua Contoh Puisi Bahasa Madura tentang Santri
- 5 Contoh Puisi Singkat Bahasa Madura tentang Guru
Sanja’ Sangger Sabigi
Ta’ ekaeding pole ngadhudhuna Sangger e sabban malemma Se agandhu' ebuwan kaseddhiyan Dhalem sagundhung buluna mata Ta’ pasda pole Onjurra sangger olo bara’ Jibril se adina kalimat Lailahaillallah 06 Laher, 1444 HSanja’ Sangger Sabigi II
Tonana sangger Daddi kaseddhiyan Dhalem jembarra katedhungan Tor matona kasamporna'an Tatana kaodhi’an. 06 Laher, 1444 HJum’at Karamat
Ngar balingar mata mandeng Ka dhaja ka lao’ ajalan meddem Ngamba’ kae ngeba bandeng Sarong banton, kasang bullong Ate nanges e naleka seppena careta Are e atassa bun-embunan Ngagarudhu’ monyena kapal Mowa’ bandeng kadi bantal Aengmata kabunga'an ngalotor E sabban lorong parapadan*) Rose, nyama daging dhari Amrozi, babar e Disa Juruwan Dhaja, Kacamatan Topote
