SASTRA DIMADURA
ID - Puisi adalah "mahluk halus" yang mampu mempengaruhi degup hingga gerak alam semesta. Ia ada melintasi batas-batas pemikiran tentang esensi kehidupan, kemanusiaan, bahkan kesederhanaan dalam kesempurnaan.
Nah, dalam artikel kali ini, redaksi hendak menghadirkan--sekali lagi--Puisi berbahasa Madura dengan tema entah; sebut saja mereka sebagai apa yang kelak mampu memeluk sekaligus melepaskan maknanya sesuai interpretasi masing-masing paramaos Dimadura.
Lima
Puisi Madura berikut sebenarnya sudah lama ingin ada dan menampilkan diri untuk paramaos Dimadura. Di dalamnya, paramaos akan menemukan rasa bahasa, budaya, dan karakter
linguistik bahasa Madura itu sendiri.
Salah-satunya memang tentang cinta atau, yang dalam bahasa Madura kita kenal dengan kata: Tarèsna. Yah, hayuk langsung saja kita jelajahi
5 contoh Puisi Bahasa Madura yang cukup unik dan penuh makna berikut.
Andhi' Ba'na
Andhi' ba'na padhana neggu' dananganna
kerres sangkolan kalaban pamor camporan antarana semmar longgo, banowaju, dalemman Songennep, naga sossro ban gerra manjeng Pamekkasan
Andhi' ba'na padhana neggu' kodhalina jaran perrang jaman karaja'an antara Majapaet, Siliwangi, ban jaran ngabberra Jokotole
Andhi' ba'na padhana neggu' sorogga labang mesem se abukka' ros-terrosan tape sengka oreng lowar se laju abaludhusa maso' ban-saromban
Andhi' ba'na, ya, sengko' andhi'na ba'na keya!
Panglegur, 11 Desember 2023
Baramma Carana Amempe
Baramma carana amempe tera' bulan tar-kataran?
"Balarak kolare tarebung manyang pe-sapeyan. Baras mare tedhung nyaman pe-mempeyan."
Baramma carana amempe oreng raddin tadha' pole agellu' sambi se-nyalese?
"Kolaras kolare gadebbung ngornyang te-lenteyan. Sorak mare, ma' sela tedhung nyaman terro amempeya ne-banneyan."
Baramma carana amempe ba'na nyander ka seddi'an, ta' endha' soro ngalle bai taresna ka oreng laen?
"Are bulan gunong songay li-giliyan. Sela koneng benneng binena ma' se gi' lako gi-lagiyan!"
Cuan Cafe, 11 Desember 2023
Amper
Sengko' ban ba'na daddi manossa
Manossa se ros-terrosan toju' neng e amper
Sabban laggu narema lembu' sonar anyar
Oreng-oreng mekker
Sengko' ban ba'na jumenneng odhi' dhalem kabunga'an
Oreng-oreng ta' tao, bun dhimma'an paddu odhi'na sengko' ban ba'na se la kolbit ban ta' kenneng sedding
Oreng-oreng loppa, kagumbira'an ta' abit kodu leddu' daddi kasossa'an
Kasossa'an kodu bujar abali pole ka asal
Oreng-oreng dhateng, namoy ban toju' apol-kompol neng e amper
Amper bengkona sengko' ban ba'na maddhain dhuwa' tatepon; kabunga'an ban kasossa'an
Kadhuwana padha daddi coba dhalem
Tera'na are se ajalan
Pekkeran-pekkeran tatotop
Pekkeran-pekkeran tabukka'
Pangrasa'an-pangrasa'an dhari jauna ajangngo; atompo' neng e amper. Sabatara sengko' ban ba'na paggun ta' kalowar, aokep dhalem kamar baja rabeng
Reng-oreng neng e amper saleng nyerrop kabadha'an
Sengko' ban ba'na paggun nyorkep; ngamba' angen dhari lowar nyono' ka kamar
Kolor, 11 Desember 2023
Salaggi'
Salaggi' ba'na bisa amempe, ban ba'na ta' toman parcaja ka mempe-mempe jareya
Salaggi' ba'na bisa mekker, ban ba'na ta' toman adaddiyagi pekkeran-pekkeran jareya menangka tong-settongnga tojjuwan
Salaggi' ba'na bisa atemmo ban kasossa'an, mosiba taba balai, ban ba'na ta' toman kendhur ngadhebbi kadhuwana
Salaggi' ba'na bisa arassa'agi badhana kajujuran se meddal dhari dhalem ate dibi', ban ba'na tao kodu baramma ajalane odhi'
Otaba ba'na toman nangale apa se daddi kabarentengnganna ba'na ancor, tadha' se bisa agimpo' kabadha'anna ba'na
Ba'na paggun ajalane kaodhi'an kalaban nyaba se akelbu' dhalem dhadhana; ba'na tao dhari dhimma asalla kelbu' ros-terrosan nyebbut agung asmaNa
Bangkal, 11 Desember 2023
Ce' Santa'na
Ce' santa'na sape berka', padha ban galibat tang ate bakto ngatela' paddhang pamesemma
Pekker noro' ngangsor
Nyacae ate se tapengsor
Ce' nyapsabba sape kerrap, berka' ta' bangal se atoleya ka bunto'na, padha ban rabak panyosolla mata, tera' petteng bas-abasan paggun aju'jeng ka tojjuwan
Pekker noro' ngangsor
Nyacae ate se tapengsor
Ce' tandhessa sape meddal, sabban dindak mara gageddhap ambu ojan, padha ban geddep bulu keja' e socana, dhaunna memba kerana laggi' korang paka'
Taresna alompa'
Kerrong atompo'
Totosan, 11 Desember 2023
Yap! Itulah
5 Contoh Puisi Bahasa Madura yang dapat redaksi sajikan untuk paramaos Dimadura dimanapun Anda berada. Sekian dan, mator sakalangkong. ***
SASTRA DIMADURAID - Puisi adalah "mahluk halus" yang mampu mempengaruhi degup hingga gerak alam semesta. Ia ada melintasi batas-batas pemikiran tentang esensi kehidupan, kemanusiaan, bahkan kesederhanaan dalam kesempurnaan.
Nah, dalam artikel kali ini, redaksi hendak menghadirkan--sekali lagi--Puisi berbahasa Madura dengan tema entah; sebut saja mereka sebagai apa yang kelak mampu memeluk sekaligus melepaskan maknanya sesuai interpretasi masing-masing paramaos Dimadura.
Lima Puisi Madura berikut sebenarnya sudah lama ingin ada dan menampilkan diri untuk paramaos Dimadura. Di dalamnya, paramaos akan menemukan rasa bahasa, budaya, dan karakter linguistik bahasa Madura itu sendiri.
Salah-satunya memang tentang cinta atau, yang dalam bahasa Madura kita kenal dengan kata: Tarèsna. Yah, hayuk langsung saja kita jelajahi 5 contoh Puisi Bahasa Madura yang cukup unik dan penuh makna berikut.
