Sanja'na Kiko Anwar: Masjid Jami', Mencar, Para' Peleyan, Ajjiyan, Nyoppre Barokah

Masjid Jami'

Masjid se dhimin ebangon sareng ulil amri

Mangken coma ekagabay tempat a-selfie

----------

Mencar

Saamponna tello bulan tello lekor are Ate rassa petteng tadha’ nera’e

Bulan tor bintang ta’ etangale Kaalang loka se tamba raja sabban are

Le’, dika amet entara ka pasar Tape le-molena dika menta mencar

Ampon pa’-taon pa’-bellas bulanan Bula ban dika apolong tadha’ cocoban

Maddha kaneserre ana’na Sabban malem nanges atanya emma’na

Para’ Peleyan

Bila ampon para’ peleyan Bannya’ oreng anyar entar ka taneyan Apareng pan-saponapan bantowan Dha’ magarsare disa se loman

Sabatara e kottha, magarsare oneng Ja’ se ebagi garowa laggu’ daddi ladding Se bisa ngerra’ ponapa bisaos