Karengga sareng sadajaepon kahormadan, jugan songkem pangabakte, ta’ cokba tettep ka'atora dha’ para ulama’ tor para keyae se same kaonang penter socce menangka kaca kebbang monggu magarsare.
Kong-langkong, ka'atora dha’ saleraepon se molja: ..... ..... ....., se rabuwepon dhari ..... ....., se badhi apareng babulangan e saat baja laggu mangken ka’dhinto.
Jugan saleraepon se molja Lora Kalebun Disa ..... ....., se jumenneng mangko bubbuwan neng e bume disa ka'dhinto, Bapa’ ..... ....., bisareng sadaja pamerte disaepon.
Tantowepon, badan kaula ta’ bakal nyebbut asmaepon ting-settongnga, nangeng malar moga ta’ kantosa andaddiyagi korangnga rassa hormat jugan songkem pangabakte badan kaula monggu para ajunan.
Ta’ kalep jugan, saleraepon para bangaseppo, tokoh masyarakat, sadaja guru ngaji, tor sadaja para rabu, se tanto same settong pangara, se eyajum daddiya pengaro, se moddha rassa asor mano’ panyo’onnepon.
☆ Okara Panyambut
Sadaja onjangan para anom, para ebu se ampon alonggu jimet parjuga.
Sajarango bang pote, sabuko petotor neng lat-selladda kabidan ator, badan kaula sareng para ajunan, se salaggi’ ngako abantal syahadat asapo’ iman sandhing rasulullah, parjuga kerana nyongler thok-lanthogga okara pamojja, se ngalenang nanemang poji sokkor, AlhamdulillÄhi Rabbil Ä€lamin, ka’ator dha’ Guste Allah se amorba alam.
Amarga, kalaban tometa karsaEpon, badan kaula sareng para ajunan, laggi’ kapareng ne’mat komena se alompa jagat, kantos kaedi kaanguy agin-panggin e kennengngan ka’dhinto, dhalem settong tareka agung: Sambung Ate, Sambung Taresna, Bugel Pangabakte. Enggi ka'dhinto, AQDUN NIKAH antarana dhuwa' ale' badan kaula:
Ananda ..... ..... (pottraepon Bapa' .... tor Ebu .....)
