Achmad Dzulkarnain materros katerranganna, manabi adhasar asel rekapitulasi aros panompang ngabidi H-10 kantos H-8 Tellasan taon mangken, bannya'na panompang tojjuwan polo-polo se badha e Songennep kabilang ce' rammena.
Ebirji', total sabatara enggi ka'dhinto 1.267 oreng tojjuwan Kangean, 637 oreng tojjuwan Raas, 412 oreng nojju Polo Masalembu. Terros sakarena, 280 oreng tojjuwan Sapeken, 278 oreng Sapudi, tor guna pa'-empa' se tojjuwan ka Jangkar.
[caption id="attachment_18369" align="alignleft" width="185"]
Kolase Gambar Kabadha'an e Palabbuwan Kalianget, Juma'at tanggal 13 Maret 2026 (Doc. dimadura)[/caption]
“Kantos sateya, kabadha'an e Palabbuwan Kalianget bisa ekoca'agi kondusif, aman, ban kenneng eyatase. Mangkadda kapal kabilang lancar, tadha' alangan se mamodorot,†ca'epon.
Salerana nambai jarna' katerrangan, ja' saongguna program mudik gratis ka'dhinto aropa'agi sala settong bujud kabarentenganna pamarenta kaangguy aladine magarsare Polo Songennep se lamba' mola pajat buto dha' kateteyan tase'.
Program ka'dhinto sesep kalaban parenta tor petoduna Pamarenta Songennep se eseppowe Bupati Achmad Fauzi Wongsojudo, mapaddhang badhana pangladin palabbuwan kaangguy magarsare Polo Songennep.
Sakadar tamba'an. Salaen nyadhiya'agi kateteyan tase', pamarenta jugan masanat kateteyan darat kaangguy magarsare Songennep se moleya dhari Jakarta bubar ka kampong bang-sebangnga. (*)
