Nyambhelli Napso

Angghidhân: Aipda Liwail Amry, S.H. | Anggota Satbinmas Polres Sampang.

Nyambhelli Napso

Petteng arè ta’ seppè
È masjid, è musholla, è kottha kantos ḍâ’ ka pong- kampong dhisa ampon kapèrengan takbiran.
Ananḍhâ’aghi ampon maso’ Tèllasan Ajji otabâ Iḍul Adha.

Pajjhâr ampon ngombâr, sanajjân bhâdhân cellep mèreng sowara takbir mabhunga tor masenneng ka atè.

Arè ampon tèngghi, pakakas se aropa toḍi’ otabâ laddhing sè tajhem ampon ranta.
Kèbân sapè tor embi’ sè èpanggher ampon sanat èsambhelliyâ.

Ngèrèng sakejjhâ’ atafakkur ḍâ’ ka Ghustè Allah, jhâ’ saongghuna, bâḍâ sè langkong kodhu èsambhelli, èngghi ka’ḍinto Nyambhelli Napso.

È ḍâlem atèna manossa, bâḍâ napso sè kodhu èsambhelli, sè aropa’aghi panyakèt atè.

Baca Juga:

APBD Sumenep 2026, Uang Terealisir Rp799 Miliar dari Rp 2,471 Triliun

È antarana abâ’ sè apangrasa langkong soccè, panyakèt atè, dhengghi, ujub, takabbur, èrè, dzolim bân salaènna.

È arè Idul Adha ka’ḍinto kodhu bâḍâ ma’nana tor pangajhârân sè èponḍhut.

Ngèrèng paèlang bâbâtek sèpat sè ta’ bhâghus, sè jhubâ’.

sambhelli sadhâjâ napso, kalakowan sè jhubâ’ tor panyakèt atè sè laèn sè bâḍâ è bhâdhân.

Pasemma’ ḍâ’ ka Allah. Paèkhlas, nojju kataqwa’an sè samporna ḍâri dhunnya kantos akhèrat.

Malar-moghâ è arè Iḍul Adha panèka, adhâddiyâghi abâ’ bisa langkong bhâghus tor saè ḍâri arè sabelluna, nojjhu ridâ’èpon Allah. Bisa nèro lalampanna Kanjeng Nabbhi Muhammad SAW jhughânan Nabbhi Ibrohim tor Nabbhi Ismail.

Aamiin ya, Rabbâl ‘Alamiin..