Logo DimaduraTARÈKA, DIMADURA – Cerita lucu penuh hikmah dari Kiai Musleh Adnan, Pengasuh Pondok Pesantren Nahdlatut Ta'limiyah, Plakpak, Kecamatan Pegantenan, Pamekasan, tentang santri bodoh penjaga sandal Mbah Kholil Bangkalan. Dalam pengajian tersebut, Kiai Musleh Adnan menceritakan kisah seorang santri bodoh nan polos, mengabdi sebagai penjaga sandal Mbah Kholil Bangkalan. Di bawah ini cerita lucu santri bodoh penjaga sandal Mbah Kholil dalam Bahasa Madura. Simak sampai tuntas, ada versi Bahasa Indonesia di akhir naskah!

Carètana Santrè Bhuḍhu Tokang Jâgâna Sanḍâllâ Kè Kholil Bhângkalan

Bâḍâ santrèna Kè Kholil lambâ', bhuḍhu, bhuḍhu, cè' bhuḍhuna. Ḍâri bhuḍhuna, mon soro ajhuwâl manjhilân ka pasar, bu'.. ta' onèng ka matematika sakalè. Kè Musleh: "a Eyettès bân Kè Kholil, jarèya manjhilân sapolo mon paju sèttong karè bârâmpa, èkowah!"
BACA JUGA: Komisi X DPR dan Kemendikbudristek RI Sepakat RUU Bahasa Daerah Harus Tuntas di Pemerintahan Selanjutnya

Sè santrè ajâwâb: ta' onèng. Kè Kholil aparèng onèng: karè sanga'. Pas èkawirid bân santrè jarèya: manjhilân sapolo paju sèttong karè sanga', manjhilân sapolo paju sèttong karè sanga', manjhilân sapolo paju sèttong karè sanga'." Ros-terrosan santrè ghellâ' awirid: "Manjhilân sapolo paju sèttong karè sanga'. Manjhilân sapolo paju sèttong karè sanga'. Manjhilân sapolo paju sèttong karè sanga'." Sèttong bâkto Kè Kholil mèyosa ka Mekka. Sè santrè nèka pas mator, "Abdhina ngèḍing kabhâr ca'èpon Ajunan ka Mekka'a?"

Kè Kholil nyambhit, "Iya".

Sè santrè nyaot, "Abdhina sossa, Kèyaè".

Baca Juga:Warga Sampang Bisa Ikut Pelatihan Bahasa Asing Gratis Bagi yang Ingin Kerja ke Luar Negeri

"Arapa?" sobâl Kè Kholil kasambu'. "Mon pas bâḍâ ngèco' tarompana Ajunan è Mekka pas kadhiponapa? Pasèra sè ajâgâ'â mon bannè abdhina," ca'èpon sè santrè. "Iyâ terros arapa'a bâ'en," tanya Kè Kholil. "Noro'a," jâwâb santrè. Kè Musleh: "Èrèken taḍâ' biayana, ngara... hahaha. Ca'èpon rèng compo', saduhuna". Ḍhabuna Kè Kholil, "Enjâ' dhina. Èlang la èlang dhina. Èrèken taḍâ' biâyana ngara...". Kala' lekkas pas mèyos Kè Kholil. Sabâtara sè santrè pas nangès è buḍi, nangès ongghuwân, pas bân sakanca'an èco-koco.

"Bâ'en ta' toman èberri' mal-amalan yâ bân Kèyaè? Bâca!" ca'èpon kancana.

"Bâḍâ, engko' lambâ' èberri'," jâwâbbhâ santrè.

Baca Juga:16 Contoh Seloka dan Peribahasa Madura tentang Ayam

"Iyâ jârèya bâca," kancana nyoro. Sè santrè ghellâ' pas maso' ka ḍâlem masjid, pas maca amalanna sè ca'èpon èpareng sareng Kèyaè sambi molar, nagès sadhâddhi-dhâddhina. "Bismillahirrahmanirrahim... Manjhilân sapolo paju sèttong karè sanga'. Manjhilân sapolo paju sèttong karè sanga'. Manjhilân sapolo paju sèttong karè sanga'." Terros sè nyamana santrè ghellâ' maca nèka, "Manjhilân sapolo paju sèttong karè sanga'. Manjhilân sapolo paju sèttong karè sanga'. Manjhilân sapolo paju sèttong karè sanga'." Sa'ellana mella' pas lajhu bâḍâ neng è Hijir Ismail. Pas pangghi sareng Kè Kholil. Ghâjâ' takerjhât, ngejjhit Kè Kholil.

"Abababa.. Ma' bâḍâ è ḍinna', kakèh! Arap'a ma' nyosol engko'," ca'èpon Kè Kholil.

Sè santrè ajâwâb, "Kapèkkèran abdhina ḍâ' Ajunan, tarompa (sanḍâllâ) tako' bâḍâ ngala'."

Baca Juga:Pemuda Muhammadiyah Sumenep Usulkan Perda Sehari Berbahasa Madura untuk Pelayanan Publik

Kè Kholil pas ngajhâk athowap ka santrè ghellâ'. "Mayu' mayu' athowap," ḍhabuna.