Beranda Pangkèng SALOKA BAN PAREBASAN MADURA 05

SALOKA BAN PAREBASAN MADURA 05

Oleh dimadura - 21 Maret 2025, 18:11

PANGKÈNG, SASTRA DIMADURA – Melanjutkan seri sebelumnya, kali ini kita hadirkan kumpulan Saloka ban Parebasan Madura Part #05, yang berasal dari catatan Kartosoedirdjo (1919).

Saloka ban Parebasan Madura yang dalam bahasa Indonesia disebut ‘Seloka dan Peribahasa Madura’ adalah cerminan kebijaksanaan yang telah diwariskan turun-temurun di kalangan masyarakat Madura, Jawa Timur.

Dalam setiap ungkapan, tersimpan makna mendalam yang mencerminkan karakter, nilai, dan kearifan masyarakat Madura dalam menjalani kehidupan.

Semoga artikel ini bisa menjadi inspirasi dan pengingat akan kekayaan budaya bahasa kita. Berikut ini 20 contoh saloka dan parebasan lanjutan postingan bagian 4 sebelumnya.

No	Saloka	Keterangan/Maksud
51	Addu adha’	Oca’na oreng dha’ mosona, ngajak rang-terrangan, ja’ kadik nyelep.
52	Addu semmo	Parbasanna oreng se ta’ gellem abaddhakkagi sajjana.
53	Addu terrang	Ekoca’agi dha’ oreng se mon ca’-ngoca’, rang-terrangan, sanajjan badha eadha’anna se ekoca’.
54	Addu pada aengnga’	Oca’na oreng se andhi’ pangara, sopaja olleya; mon apangara ana’na Kejae, ngarsaja Kejae soro malala.
55	Atasmak balun	Salokana oreng mate.
56	Atasmak bathok	Ekoca’agi ka oreng, se ella tao ja’ balana dibi’, nangeng gi’ tega agabay kasossa’an, otaba ka oreng se pantessa nangale, nangeng ta’ nangale.
57	Asalen tembang	Ekoca’agi ka oreng se ta’ nepteppe apa se ella ekoca’agi (ejanjiyagi).
58	Asaor mano’	Ekoca’agi dha’ oreng bannya’ se pada nyambit abareng.
59	Aserra bungkokan	Ekoca’agi dha’ oreng se lebat e kampongnga sattro nang-nanang, otaba ka moso e paperrangan se atellok.
60	Asesek tadha’ pamaka’na	Salokana ka’-angka’ kopi otaba ette malolo, tadha’ tambulla.
61	Alos serratta	Ekoca’agi dha’ bangsa satreja; paraba’anna ban kakole’anna banneyan (alosan ban bangsa dhume’).
62	Apolong bi’ oreng ngobbar tae	Ekoca’agi dha’ oreng se apolong ban oreng juba’an, sakone’ bannya’ maste katolaran juba’na.
63	Apolong bi’ oreng ngobbar dupa	Ekoca’agi dha’ oreng se apolong ban oreng bi’ oreng becce’an, sakone’ bannya’ masthe katolaran becce’na.
64	Apoyya bu’na Buncet	Salokana oreng se melo bang-ombang (egigiri), marga kasala’an oreng laen. (Asalla bada ca’-oca’an reya, gi’ bilanna e Songennep badha settong oreng bine’ mesken, anyama bu’na Buncet, andhi’ bengko ko’-rongko’ settong, pas katonon; apoyya alatlat ka bengkona oreng laen; saloka reya neng kapra dha’ oreng Songennep).
65	Atongket tebbu	Salokana oreng se meyara na’-kana’, dumen dhibasa pas ekabin otaba ekalake dibi’; ekoca’agi keya dha’ oreng lalake’ alolongan jau se ngeppe’ binena.
66	Adhante’ gettana bato	Ekoca’agi dha’ oreng adante’ a-pa se abit, otaba se ta’ kera kalakon.
67	Adante’ massa’na malaka	Parbasanna oreng adante’ a-pa se gi’ abit, (para’ padha’a ban saloka nomer 66).
68	Andhi’ jalu mandhi tajem	Eanggujjagi ka oreng; ekoca’agi dha’ oreng se aberri’ pangobasa dha’ oreng laen ta’ kalaban bada parlona.
69	Andhuri pandan	Akanta durina pandan, endha’ ngae’, ta’ endha’ ekae’; ekoca’agi ka oreng se endha’ ta-menta, nangeng ta’ ekenneng ta-pentae.
70	Ajam kate ta’ kala ekaletthek	Ekoca’agi ka oreng maske ne’-kene’, mon acaca otaba apadu oca’, ta’ endha’ kala.

Itulah Saloka ban Parebasan Madura bagian 05. Dari sekian banyak seloka dan peribahasa di atas, kita bisa melihat bagaimana masyarakat Madura menanamkan nilai-nilai kehidupan melalui bahasa yang padat makna.

Nilai-nilai itu dapat kita lihat dalam hubungan sosial, etika, maupun cara pandang orang Madura terhadap dunia yang tersirat dalam beberapa contoh saloka dan parebasan di atas.

Ungkapan-ungkapan berupa saloka dan parebasan Madura tersebut adalah warisan yang tetap relevan hingga kini. Mari terus lestarikan dan pahami kebijaksanaan leluhur ini agar tidak hilang ditelan zaman. ***

Post Views: 757

Follow akun TikTok dimadura.id untuk update video berita terbaru.

Bahasa Madura Dimadura Madura Parebasan Peribahasa Saloka Sastra Seloka Madura