SUMENEP , DIMADURA – Staf Ahli Bupati Songennep Bidang Pemerintahan, Hukum dan Politik, Hizbul Wathan, nyangga' bagus badhana Pelatihan Paralegal se eyajum Kementerian Hukum bisareng LBH Achmad Madani Putra tor Badan Pembinaan Hukum Nasional, neng e Graha 1 Universitas Wiraraja Madura, Jumat (22/5/2026).
Tareka kasebbut elaksana'agi kaangguy magampang magarsare olle bantowan ngurus hokom ka pangadilan kalaban gratis, alias ta' osa majar. Nyama lembaga se ngurus anyama Pos Bantuan Hukum, biyasa esebbut Posbakum. Kodu badha e sabban-sabban disa e Kabupaten Songennep.
Hadir abakkele Bupati Sumenep, Hizbul Wathan tegges madhapa' pangalem ja' saongguna Pelatihan Paralegal pajat parlo epabadha sopaja bisa aguthek romasa marlowagina magarsare monggu sodegga hokom pangadilan.
“Pelatihan paralegal ini sangat penting untuk meningkatkan kesadaran hukum masyarakat sekaligus memperluas layanan bantuan hukum hingga ke desa-desa,” ca'epon naleka madhapa' dhadhabunna Bupati Sumenep, ngangguy basa Indonesia.
Menorot pamanggina, magarsare disa ka dhalemma tanto bannya' se buto bantowan hokom naleka aba'na ngadhebbi masala se badha kaedanna so pangadilan.
"Bukan hanya pendampingan hukum, tapi bagaimana masyarakat bisa dengan mudah mengakses wawasan tentang hukum dalam kehidupan sehari-hari," embuna, majarna' katerrangan sabellunna.
Mela saka'dhinto, ca'epon, badhana paralegal esoppre daddi jawaban se bisa daddi tale panyambungnga magarsare dha' bantowan hokom kasebbut.
“Hukum tidak boleh hanya dipahami kelompok tertentu. Seluruh masyarakat harus memiliki akses yang sama terhadap keadilan,” teggessa.
Se pongkasan, Mantan Kabag Hukum Setdakab Sumenep ka'dhissa' madhapa' pangarep, para peserta pelatihan mampu menjalankan tugas secara profesional dan mengedepankan pendekatan humanis saat membantu masyarakat menyelesaikan persoalan hukum.
“Paralegal harus mampu menjadi mediator dan menghadirkan solusi damai di tengah masyarakat dengan tetap menjunjung nilai kemanusiaan,” totok salerana.
Sabatara ca'epon Ketua LBH Achmad Madani Putra, Kamarullah, Posbankum di Kabupaten Sumenep pajat parlo ebarata e darat kantos kabasan polo.
Dhari 334 disa e Kabupaten Songennep, sebbut Kama, ra-kera gun 30 disa se nganthang majaga Posbakum.
“Paralegal setiap masing-masing desa wajib ada satu. Itu jadi indikator terbentuknya fasilitas hukum bagi warga di desa,” tegges Kama.
Paggun ca'epon Kama, pamarenta e disa-disa parlo ngerem bakkel otaba otosan kaangguy noro' pelatihan paralegal sopaja sabban-sabban magarsare andhi' akses pamokka' kaangguy bisa ngatase masala hokom.
Menorot pamanggina, magarsare ta' kodu nyare pangacara naleka ngadhebbi masala se badha kaedanna ban pangadilan. Lebat Posbakum, ca'epon, sapa'a bai bisa akonsultasi, menta pendampingan kantos mediasi kalaban gratis.
“Kalau nanti ada persoalan hukum, tidak moro-moro langsung mencari lawyer secara personal,” dhabuna.
Sabellunna notop katerrangan, Kamarullah atotoran ja' saongguna kalaban badhana paralegal kasebbut, romasa kaparlowanna magarsare dha' hokom bisa terros sajan tombu. Kalaban mediasi, masala bisa dammang ban gampang eyatasen.
“Karena itu, kami dorong pemerintah desa di Sumenep segera membentuk Posbankum dan menyiapkan paralegal di masing-masing desa, agar akses bantuan hukum gratis lebih mudah dijangkau masyarakat,” pongkas Lora LBH Madani Putra dan Rekan-rekan. ***
