Dhadhana pasera se paggun teggu sanajjan babaja alengker e yadha’na mata dhari rengsa rassa sake’ ekaneyaja Sabagiyan bala-tatangga Sampe' magunjhek gunong! Amarga rassa bellis se tombu e dhadhana Malaikat Naleka anyakse'e kakase se esake’e.
Angen, tana, ka’-bungka’an, bato, burun alas Ampon padha molar kabbi Padha ngoso’ kabbi, padha nya’-tanya'an kabbi
“ Duh, Kanjeng nabi! Duh Kanjeng Nabi! Duh Kanjeng Nabi! Dari ponapa dhadha Ajunan ebadhi? † Duh baramma’a kastana epadaddi bhato Se ekoteppagi dha’ salerana sampe’ nyapcap dharana?
Duh baramma’a kastana daddi calatthonga onta se eyancannagi dha' salerana e bakto nyemba ka Guste Pangeranna?
Duh baramma’a bunga tor teggenna epadaddi aeng somor se macco loka-lokana?
Dhadhana pasera se paggun jekjek Ta’ agalimbang sanajjan nyaba tarowanna
Dhadhana pasera se paggun atoles:
Inlam yaqun bika alayya ghadobun Fala Ubali! Fala Ubali! Fala Ubali!
“ Angsal Ajunan ta’ duka dha’ abdi dhalem, Guste, maka abdina ta’ marduli dha’ sadaja nyangsara otaba babaja se bakal teba. Amarga bellas asena Ajunan lebbi raja katembang loka-loka se badha â€
Dhadhana pasera se paleng aesse rassa emba, rassa ta’ tega, dha’ nasib abdina sadaja?
