Contoh Teks Pidato Kemerdekaan Bahasa Madura

PANGKÈNG DIMADURA – Empat hari lagi, tibalah kita rakyat Indonesia pada momen hari kemerdekaan, 17 Agustus 1945.

Nah, artikel kali ini hendak menyajikan contoh Teks Pidato Kemerdekaan berbahasa Madura dengan judul, “Agi’-gigi’ Ma’na Kamardika’an”.

Bagi para pembelajar, pendidik, pengurus lembaga atau kepala instansi yang mendapat amanah untuk menjadi pembina upacara kadang membutuhkan contoh teks pidato bahasa Madura yang berisi sejarah dan makna kemerdekaan.

Untuk itu, berikut ini satu contoh teks pidato kemerdekaan yang sempat saya tulis untuk teman guru yang membutuhkan.

Tentu ini hanya contoh, paramaos boleh saja menjadikannya sebagai bahan atau referensi untuk membuat pidato serupa dengan isi pesan yang berbeda. Tidak usah panjang lebar, berikut ini contoh teks pidato tersebut.

AGI’-GIGI’ MA’NA KAMARDIKA’AN

Assalamu’alaikum wa rahmatullahi wa barakatuh

Innal hamda lillāh. Nahmaduhū wa nasta’ienuhū, wa nastaghfiruh, wa na’ūdzubillahi min syurūri anfusinā wa sayyi’āti a’mālina.

Man yahdihillāhu falā mudhilla lah, wa man yudhlil falā hādiya lah.

Asyhadu an lā ilāha illallāh, wahdahu lā syarīka lah. Wa asyhadu anna Muhammadan ‘abduhū wa rasūluh. Amma ba’du:

Karengga sareng sadajaepon kahormadan, semba songkem abdi dalem. Abdhina, menangka …. …. (nama/jabatan/lembaga)

Kaatora songkem pangabakte, malar moga ta’ cokba’a tettep kaatora dha’ para ulama’ tor umaro’, se kaonang penter socce menangka kaca kebbang monggu magarsare.

Kong-langkong saleraepon se molja … , ta’ kalep jugan salerana … … …. Ta’ kalep jugan, malar moga para rabu, sadaja anom, hadirin-hadirot se padha alonggu jimet parjuga, kengenga syafaattepon Kanjeng Nabbi Mohammad Saw.

Sabab badan kaula sadaja ka’dhinto, buwa celo’, ta’ bu-ambu ngalecer ngarep lepor inayah tor hidayah-epon Guste Allah, se amorba alam, amorba jagat.

Enggapaneka tanto, gedda’ badan ka’dhinto parlo aeng pandhi tor kembang pangabakte kaangguy ngaolle petolongngepon Ibnu Abdillah, Nabbi Mohammad, cajaepon alam kaodhi’an, se ampon ngonjuk Iman tor Islam.

Allahumma shalli ‘ala Muhammad ….

Saterrossepon, dhalem kasempadan are samangken ka’dhinto, badan kaula, se laggi’ ta’ tao lebat babana accem, mator rancanganna badan, cangkolang, jujuk badhi ngatorragiya sabai’ peyatoran ngengenge nasionalisme, patriotisme, otabaepon rassa taresna monggu bangsa tor nagara.

Para rabu tor taretan se padha alonggu jimet parjuga; taretan settong bangsa, taretan sadaging sadhara, Madura!

Ampon ta’ kabarran, samangken ka’dhinto ampon maso’ Are tor Bulan Kamardika’an Indonesia. Daddi ngereng padha ngoddi agi’-gigi’, ponapa arte dhari Kamardika’an se saongguna, tor ponapa ka’dhinto pangajaran se egandhu’ dhalem ibarat Nasionalisme, Patriotisme, taresna monggu bangsa tor nagara?

Para rabu, taretan, hadirin-hadirat ba’ enga’a, kadiponapa caretana bangseppo badan kaula sadaja, dhimen, nalekana aperrang ngoja Neppon tor Balanda?

Romusa!
Sabban are ate rekong ngabas pate
Sabban are aba’na alako tape ta’ olle pan-ponapan
Nompa bigina pestol
Dharana taretan agalijiran e seddi’an
Allahu Akbar, coma Allah se bisa nolong
Guna Allah se bisa makalowar ngoja kasossa’an

Rama Ebu acareta, kadiponapa juju’na lamba’ nagenne sake’ tabu’ se kepa’, nase’ tadha’ nase’, guna orap bungkana kates, komak, lorkong ban un-dhaunan se bisa edha’ar

Dhalem kabadha’an tabu’ ganjel bliker, aba’na terros epalako kalaban paksa

Allahu… Romusa! Romusa!
Ora’ dhara daddi en-maenanna Neppon tor Balanda!

Saka’dhinto, kantos teba are tera’ kamardika’an

Alhamdulillah, samangken badan kaula, para rabu tor taretan sadaja ampon odhi’ jumantrem, gampang kakan, ta’ malarat enom. Sabban se anom ampon bisa nyoppre nafakah e man-ka’dhimman kalaban aman. Ngangodhadan ampon nyaman mece’ hape e adha’anna romana sareng ca-kancana.

Alhamdulillah, tanto kabadha’an ka’dhinto berkat barentengnga para bangaseppo dhimen ngoja panjaja manca.

Ulama’ nyelte’ baliker daddi memes daddi Bum…!!

Dineng se laen neggu’ tajem bungkana perreng, ta’ nyorot terros aperrang kantos…

Allahu Akbar, Indonesia Mardika!

Abali ka attas, kerana saka’dhinto, badan kaula ta’ mabi abirji’ ngatorragi lanjang peyatoran. Para rabu tor taretan tanto ampon padha ngagali, ponapa se saongguna ma’na Nasionalisme tor Patriotisme, kadiponapa koduna aba’ ama’naen rassa taresna monggu nagara dhalem tengka tor tareka odhi’ paneka.

Allahumma shalli ‘ala Muhammad!

Kerana cokop saka’dhinto, malar moga maske sakone’, badha’a manfaadda, megunane monggu bangen badan kaula sadaja kaangguy noro’ nyombang bangon: Indonesia jaja, bajjra tor rajja kantos budhi are. Amin allahumma, Amiin..

Sabellunnepon panotop, manabi badha ator se ta’ sae, badan kaula nyo’on sapora se tadha’ batessepon.

Wabillahi taufik wal hidayah, tsummassalamu ‘alaikum wa rahmatullahi wa barokaatuh.

Bangkal, 3 Agustus 2023

Penulis: Moh Sumardono (Mazdon), Bakkel Lora Komunitas Abdhi Dhâlem Sumenep.

Demikian contoh teks pidato kemerdekaan bahasa Madura. Semoga bermanfaat.