SUMENEP, DIMADURA – Pamarenta Kabupaten Songennep, Madura, ngenneng pangarga'an tingkat Jaba Temor dhalem tareka lampa East Java Maritime Awards 2026.
Pengarga'an jujuk eserra'agi ka Bupati Songennep, Achmad Fauzi Wongsojudo, mela salerana barenteng makowat sektor transportasi laut menangka jalan mola tombuna ekonomi monggu magarsare polo.
Piagam East Java Maritime Awards etarema Bakkel Bupati KH Imam Hasyim e Sorbaja, Rebbu malem tanggal 20 Mei 2026.
Kyae Imam, sapa'an akrabba, rabu asareng Lora Dinas Perikanan, Agus Sulistiyono, Lora Dinas Komunikasi dan Informatika Indra Wahyudi, tor Lora Bagiyan Humas ban Protokol Sekretariat Daerah Kabupaten Songennep.
Lampa pangarga'an dha' pan-saponapan dhaera e Jaba Temor se elaksana'agi JTV bisareng MNC paneka eyanggep mampo agiba kebijakan strategis monggu sektor kamaritiman tor transportasi laut kaangguy nyothok bagus gulina ekonomi e sabban-sabban dhaera.
Kabupaten Songennep tamaso' sala settong dhaera se olle pangarga'an polana eyabas mampo makoko konektivitas wilayah kepulauan lebat pamarenta'anna se ta' busen terros abalangaja ngopene kabutowanna magarsare antarpolo, otamana magarsare se apangoreban neng e tase'.
Bakkel Bupati Songennep, KH Imam Hasyim, balik mator pangarga'an dha' panitia se alaksana'agi lampa gapaneka. Paleng enja', ca'epon, lampa paneka bisa daddi peccot dha' pamarenta kaangguy terros majurbu juntrong jalanna bangon kamaritiman.
“Penghargaan ini menjadi apresiasi atas kerja bersama seluruh jajaran pemerintah daerah serta dukungan masyarakat dalam membangun sektor maritim di Kabupaten Sumenep,” ca'epon, kalaban Basa Indonesia, Kamis (21/5).
Monggu salerana, Pamarenta Kabupaten Songennep molae ba'ari' mola pajat terros abalangaja ngonjuk aksesibilitas transportasi laut kaangguy nyothok aktivitas ekonomi magarsarena, otamana e kabasan polo.
“Konektivitas antarpulau menjadi prioritas pemerintah daerah karena transportasi laut merupakan kebutuhan vital masyarakat kepulauan,” embu salerana.
Etanya'agi samarena, Bupati Songennep Achmad Fauzi Wongsojudo mategges totorra Kyae Imam, ja' saongguna pembangunan e sektor maritim bakal tettep daddi fokus otama balangajana pamarenta'anna dhalemanna taon-taon ka budhi are.
"Keberadaan transportasi laut tidak hanya penting sebagai sarana mobilitas masyarakat, melainkan juga memiliki peran besar dalam mendukung pertumbuhan ekonomi, perdagangan, pendidikan, hingga pelayanan kesehatan di wilayah kepulauan," dhabuna.
“Transportasi laut harus mampu menjadi penggerak pembangunan dan mempercepat peningkatan kesejahteraan masyarakat kepulauan,” jarna' salerana nambain katerrangan. ***
