NEWS, SAMPANG – Lora Kantor Kamatrèyan Aghâma (Kemenag) Sampang Madhurâ, Abdul Wafi atotoran, maghârsarè sè bhâkal mangkat ka Tana Soccè Mekka taon samangkèn bâḍâ 557 orèng.
Langkong jhârna’ Lora Kemenag Abdul Wafi ajhârbâ’aghi jhâ’ ratosan callon jâma’ah ajjhi ka’ḍinto bhâkal mangkat lerres salastarèna ngadhek solat Jhum’at tangghâl 7 April 2024 ḍâri aḍâ’na Pendopo Bupati Sampang.
“Sa’ellana mangkat ḍâri aḍâ’na Pendopo, para callon jâma’ah ajjhi terros nojjhu ḍâ’ Asrama Ajjhi Sukolilo, Sorbhâjâ, teppa’ pokol 17.45. WIB,” ca’èpon salèrana, Salasa (25/4).
Maos Jhughân:
Lèbât Progrâm AUTP, Rèng Tanè è Sampang Bisa Ollè Bhântowan Rp6 Juta Sabbhân Mosèm
“Lerres kalagghuwânna, ḍâri Bandara pas terros mangkat ka tojjhuwân, Tana Soccè Mekka,” èmbu Lora Wafi majhârna’ katerrangan.
Ratosan jâma’ah ajjhi ghâpanèka ampon alaksana’aghi Manasik Haji Tingkat Kabupatèn, èsangoè pan-saponapan èlmo tamaso’ cara kaangghuy alampa’aghi èbâdâ ajjhi è Tana Soccè Mekka.
“Ratosan jâma’ah panèka èyajhâri carana aèbâdâ sè bhâghus, sopajâ nalèka bâḍâ è Tana Soccè Mekka, kabbhi tekka alaksana’aghi rokon iman sè kapèng lèma’ kalabân saè tor lancar,” totok ḍhabuna Lora Abdul Wafi.***
