E 27 Kacamadan, Manjeng Sodek Parjuga Kantor BPRS, Sanat Aladine Magarsare Songennep
NEWS ADVERTORIAL, DIMADURA – Lora BPRS Bhakti Sumekar, H. Hairil Fajar, barenteng ngonjuk sajja, ekhlas aladine magarsare Songennep kalaban genna’ majaga 27 kantor BPRS neng e man-ka’dhimman kacamadan se badha neng e Kabupaten paleng temor Polo Madura.
Ta’ guna neng e darat, neng e sabban-sabban polo, kadiya neng e Podhay, Kangean, Sapeken, Masalembu, Gili Genteng, Talango tor Polo Poterran, paramaos pasthe bakal ngoladi badhana kantor BPRS Bhakti Sumekar manjeng sodek tor parjuga.
Tareka enggapaneka, ca’epon Lora Hairil, ta’ laen ka’angguy ngonjuk darajat pangorebanna magarsare Songennep, khusussepon, tor bangsa Madura Indonesia sadajana.
“Pojhi salamet ngaèmodhi ngadhegghâ Naghârâ Songennep sè kapèng pèttong atos saèket lèma’ (755). Malar mandhâr Songennep dhâddhiyâ kottha sè pènonjhul, ngadhek soghâ’ parjhughâ, jhâjâ tor rajjhâ salanjhângnga,” ḍhâbuna Lora H. Hairil Fajar, neng è status WhatsApp-epon, kalaban eja’an Basa Madura asel konsinyasi Balai Bahasa Jaba Temor 2008-2011, Kemmès 31 Oktober 2024.
Are samangken, ca’epon salerana majarna’ jajarba’an, lerres juntrong jumenneng Are Maddek Sodegga Nagara Songennep, sajja tor neyat dhalem dhadhaepon atamba rabak, kasorong pangabakte dha’ magarsare Songennep.
“Bhâdhân kaulâ kodhu amasthèyaghi sadhâjâ maghârsarè Songennep, saè sè bâḍâ neng è dhârât otabâ è polo, ghâmpang nyèmpen obâng, ngènjhâm, tor kaparlowan laènna neng è BPRS, nyopprè ma’morra kaodi’ânnèpon,” ca’èpon salèrana.
Baca Juga:
Ta’ coma caca, ikhtiyarrepon Lora BPRS Bhakti Sumekar atandha bukte nyata. Ngabidi taon 2021 kantos samangken, somakta ekonomi Kabupaten Sumenep terros ongga gan sadindak. Taon 2021, ekonomi Sumenep tombu 4,5%, terros ongga 5,2% persen e taon 2022, kantos daddi 5,7% e taon salastarena, 2023.
Adhasar panyangka becce’, ngoladi kabadhaan se ampon kalampan, ekonomi Sumenep bakal tamba ongga, nodduk angka 6% neng e akher taon 2024.
“Kalabân inovasi-inovasi BPRS sè ampon tor bhâkal kalampan, nyopprèya ongghu mèghunanè kaangghuy kajhâjâ’ân tor kabhâjjrâ’ân maghârsarè Songennep sadhâjâna,” dhâbuna.
Inovasi kasebbhut aropa pan-saponapan program unggulan, kadiya program Tabungan Simpel khusus ngangodhadan (morèd), Pick Up Tabungan, Night Banking, Tabungan Kurban, tor tabungan laèn samacemma kadiya tabungan khusus kaangguy ponggaba disa, UMKM, tor laènna.
Salaen gapaneka, ca’epon Direktur Hairil Fajar, ponggaba BPRS Bhakti Sumekar jugan kerrep mabadha lalampan edukasi finansial ka’angguy magarsare Songennep, otamaepon ngangodhadan.
“Tarèka èngghâpanèka, sè aropa literasi keuangan, nyopprè pangaonèngan ngèngèngè carana maghârsarè ngator obâng, bisa terros atambâ bhâghus tor ongghu-ongghu mèghunanè dâ’ bhângsa,” totok jajarba’annepon salerana Direktur BPRS Bhakti Sumekar, H. Hairil Fajar.***
Follow akun TikTok dimadura.id untuk update video berita terbaru.
FollowArtikel Terkait
4 Komentar
Komentar Ditutup
I just couldn’t depart your web site prior to suggesting that I extremely enjoyed the standard info a person provide for your visitors? Is going to be back often in order to check up on new posts
I like what you guys are up too. Such intelligent work and reporting! Keep up the superb works guys I¦ve incorporated you guys to my blogroll. I think it will improve the value of my web site 🙂
Hi! I just wanted to ask if you ever have any problems with hackers? My last blog (wordpress) was hacked and I ended up losing a few months of hard work due to no data backup. Do you have any solutions to protect against hackers?
Thanks for any other informative website. The place else could I get that kind of information written in such a perfect approach? I have a mission that I am just now running on, and I’ve been at the glance out for such info.