H-8 Tellasan 2026, Atosan Magarsare Polo Songennep Molae Epamangkat dhari Palabbuwan Kalianget

SUMENEP – H-8 Tellasan 2026, atosan magarsare Polo Songennep molae epamangkat e Palabbuwan Kalianget, noro’ program Mudik Gratis Pemkab Sumenep, Jumat (13/3/2026).

Sabban taon, Pamarenta Songennep, Madura, Jaba Temor pajat langganan majalan program mudik gratis kaangguy magampang tareka bubarra magarsare se badha e lowar Madura tanduk ka dalemma bang-sebangnga.

Parlo ekaonenge, program mudik gratis ka’dhinto aropa’agi tareka Pamarenta Songennep bisareng Kemantreyan Perhubungan Republik Indonesia tor Pamarenta Provinsi Jaba Temor.

Pelaksana Tugas (Plt) Lora Disperkimhub Songennep, Achmad Dzulkarnain, adhabu, jadwal se kabidan elaksana’agi are Jumat baja laggu, kol petto’an (07.00 WIB), kalaban aguna’agi KM Express Bahari 9C, tojjuwan Polo Kangean.

“Kapal jareya bisa ngeba ngangko’ 401 panompang, 400 oreng dibasa, kalaban settong pottra taba baji’,” ca’epon, tempo ewawancara e tempat, Jumat (13/3).

Saterrossepon, pokol ballu’na (08.00 WIB), KM Sabuk Nusantara 91 nyosol epamangkat dhari Palabbuwan Kalianget kalaban rute Kangean–Sapeken.

Baca Juga:

Nasabah Saksi di Lokasi Sebut Pekerja Proyek Konstruksi Kantor Bank Jatim Sumenep Tanpa APD

“Samarena jareya, KM Sabuk Nusantara 91 guna bisa ngeba 156 oreng. Birji’anna, 74 panompang tojjuwan Kangean (70 dibasa tamba 4 kana’ taba baji’). Karena, 82 panompang tojjuwan Sapeken (77 dibasa tamba 5 kana’ baji’),” dhabuna, sambi matao cateddan.

Bakto gapaneka jugan, KMP Dharma Kartika jugan epamangkat kalaban tojjuwan rute Polo Raas–Jangkar.

Ejarba’agi, kapal kasebbut bisa ngeba 309 panompang tojjuwan Raas, ebirji’ daddi 292 panompang dibasa tamba 17 kana’ baji’. Sabatara gapaeka, kapal se tojjuwan Jangkar edhabuwagi ja’ gi’ ta’ bisa mowa’ panompang ongga dhari Palabbuwan Kalianget.

BACA versi Indonesiana: H-8 Lebaran 2026, Ratusan Warga Kepulauan Mulai Diberangkatkan dari Pelabuhan Kalianget

Achmad Dzulkarnain materros katerranganna, manabi adhasar asel rekapitulasi aros panompang ngabidi H-10 kantos H-8 Tellasan taon mangken, bannya’na panompang tojjuwan polo-polo se badha e Songennep kabilang ce’ rammena.

Ebirji’, total sabatara enggi ka’dhinto 1.267 oreng tojjuwan Kangean, 637 oreng tojjuwan Raas, 412 oreng nojju Polo Masalembu. Terros sakarena, 280 oreng tojjuwan Sapeken, 278 oreng Sapudi, tor guna pa’-empa’ se tojjuwan ka Jangkar.

“Kantos sateya, kabadha’an e Palabbuwan Kalianget bisa ekoca’agi kondusif, aman, ban kenneng eyatase. Mangkadda kapal kabilang lancar, tadha’ alangan se mamodorot,” ca’epon.

Salerana nambai jarna’ katerrangan, ja’ saongguna program mudik gratis ka’dhinto aropa’agi sala settong bujud kabarentenganna pamarenta kaangguy aladine magarsare Polo Songennep se lamba’ mola pajat buto dha’ kateteyan tase’.

Program ka’dhinto sesep kalaban parenta tor petoduna Pamarenta Songennep se eseppowe Bupati Achmad Fauzi Wongsojudo, mapaddhang badhana pangladin palabbuwan kaangguy magarsare Polo Songennep.

Sakadar tamba’an. Salaen nyadhiya’agi kateteyan tase’, pamarenta jugan masanat kateteyan darat kaangguy magarsare Songennep se moleya dhari Jakarta bubar ka kampong bang-sebangnga. (*)