TARÈKA, DIMADURA – Menjadi MC atau parenteng lampa dalam acara pernikahan adat Madura memerlukan kefasihan berbahasa, pemahaman budaya, dan kemampuan membawa suasana.
Bagi Anda yang sedang mencari contoh MC pernikahan bahasa Madura yang sederhana namun tetap sakral, tulisan ini dapat menjadi panduan awal yang berguna.
Melalui artikel ini, kami sajikan parenteng lampa kabinan dalam bentuk teks bahasa Madura yang umum digunakan dalam prosesi adat pernikahan.
Cocok bagi siapa saja yang ingin memandu acara pernikahan dengan nuansa khas daerah, tanpa kehilangan makna dan penghormatan terhadap nilai budaya.
☆ SALAM
☆ BASMALAH
وَمِنْ ءَايَٰتِهِۦٓ أَنْ خَلَقَ لَكُم مِّنْ أَنفُسِكُمْ أَزْوَٰجًا لِّتَسْكُنُوٓا۟ إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِى ذَٰلِكَ لآيَٰتٍ لِّقَوْمٍ يَتَفَكَّرُونَ
Ban dhari tandha-tandha kobasana Allah, enggi ka’dhinto nyepta’agina Allah dha’ badan kaula sadaja kalaban pasangan lake’ tor bine’, sopaja padha senneng jumantrem ba’na kabbi dha’ se bine’, jugan andaddiyagina Allah e antarana ba’na kabbi rassa ase tor neser. Se saongguna jareya kabbi, aropa’agi tandha-tandha kobasaNa dha’ oreng-oreng se endha’ apekker. (QS: Ar-Rum, 21)
و قال رسول الله صلى الله عليه وسلم النكاح سنتي، فمن رغب عن سنتي فليس مني
Tsumma innal hamda lillāh. Nahmaduhū wa nasta’ienuhū, wa nastaghfiruh, wa na’ūdzubillahi min syurūri anfusinā wa sayyi’āti a’mālina.
Man yahdihillāhu falā mudhilla lah, wa man yudhlil falā hādiya lah.
Asyhadu an lā ilāha illallāh, wahdahu lā syarīka lah. Wa asyhadu anna Muhammadan ‘abduhū wa rasūluh. Amma ba’du:
☆ DHADHABUN MC (OKARA SAMBUTAN)
Karengga sareng sadajaepon kahormadan, jugan songkem pangabakte, ta’ cokba tettep ka’atora dha’ para ulama’ tor para keyae se same kaonang penter socce menangka kaca kebbang monggu magarsare.
Kong-langkong, ka’atora dha’ saleraepon se molja: Kiai Haji Malik Sanusi, se rabuwepon dhari Rak-arak Kabupaten Bandabasa, se badhi apareng babulangan e saat baja laggu mangken ka’dhinto.
Jugan saleraepon se molja Lora Kalebun Bangkal, se jumenneng mangko bubbuwan neng e bume disa ka’dhinto, Bapa’ Moh. Suharto, bisareng sadaja pamerte disaepon.
Tantowepon, badan kaula ta’ bakal nyebbut asmaepon ting-settongnga, nangeng malar moga ta’ kantosa andaddiyagi korangnga rassa hormat jugan songkem pangabakte badan kaula monggu para ajunan.
Ta’ kalep jugan, saleraepon para bangaseppo, tokoh masyarakat, sadaja guru ngaji, tor sadaja para rabu, se tanto same settong pangara, se eyajum daddiya pengaro, se moddha rassa asor mano’ panyo’onnepon.
☆ OKARA SASTRA PENGANTAR
Sadaja onjangan para anom, para ebu se ampon alonggu jimet parjuga.
Sajarango bang pote, sabuko petotor neng lat-selladda kabidan ator, badan kaula sareng para ajunan, se salaggi’ ngako abantal syahadat asapo’ iman sandhing Rasulullah, parjuga kerana nyongler thok-lanthogga okara pamojja, se ngalenang nanemang poji sokkor, Alhamdulillāhi Rabbil Ālamin, ka’ator dha’ Guste Allah se amorba alam.
Amarga kalaban tometa karsaEpon, badan kaula sareng para ajunan, laggi’ kapareng ne’mat komena se alompa jagat, kantos kaedi kaanguy agin-panggin e kennengngan ka’dhinto, dhalem settong tareka agung: Sambung Ate, Sambung Taresna, Bugel Pangabakte. Enggi ka’dhinto, AQDUN NIKAH antarana dhuwa’ ale’ badan kaula:
Ananda AHMAD HADI MAULANA (pottraepon alm. Moh. Hasib tor Supiyah)
— bisareng —
Adinda NURMANITA DWI KARTIKA (pottre’epon H. Supriyadi – Hj. Ummu Salamah)
Malar moga se kadhuwa daddiya judhu baris dunnya kantos akherat. Tor kantos Allah apareng na’-poto se shaleh tor shalehah. Amin, Allahumma, Amiin…
Salawat jugan salam malar moga tettep ka’atora dha’ kaca kebbang molja, Guste Rasulullah pornamana alam, se ampon arako’ maddhai karep, ngangkes badan kaula sareng para ajunan dhari jurang kama’seyadan, dhari alam kabudhuwan nojju dha’ alam se tera’ tar-kataran, enggi ka’dhinto kalaban badhana dienul Islam.
☆ MASUK SUSUNAN ACARA
Para rabu se same alonggu jimet parjuga..
Jujuk bisaos, mator rancanganna badan, cangkolang, Abdina, se kalerressan kabubbuwan pakon menangka parenteng lampa dhari shohibul hajah (Haji Supriyadi), badhi ngatorragiya anggidan tareka (otaba anthat lampa) se bakal kalampan e baja laggu samangken.
1. Anggidan tareka/Anthat lampa se kabidan, enggi ka’dhinto, AL-IFTITAAHU BIDDU’A, se bakal eseppowe sareng Ajunan Se Molja ….
(Bakto ka’ator… — Mator sakalangkong. Malar moga du’a badan kaula sadaja kapondhiya monggu Allahu SWT.)
2. Lampa se kapeng dhuwa’, enggi paneka PAMAOSAN AL-QUR’AN se badhi emaos sareng se molja Ustadz ….
(Bakto ka’ator… — Mator sakalangkong. Malar moga se maos sareng se meyarsa’agi same eganjara baras salamet sareng Allah SWT.)
3. Eterrossagi kalaban tareka/lampa se kapeng tello’, enggi ka’dhinto AQDUN NIKAH, se badhi eyakad sareng Ajunan Se Molja …
(Bakto ka’ator… — Alhamdulillah.. Malar moga se kadhuwa daddiya judhu baris dunnya kantos akherat. Amiin Allaahumma, Amiin…)
4. Dineng rentengan tareka se kapeng empa’, enggi ka’dhinto PAMAOSAN SOLAWAT MAHALLUL QIYAM, se badhi epimpin sareng salerana se kaonang benneng ngocernang maos papojiyan dha’ Kanjeng Nabbi Muhammad, ajunan se molja …
5. Tareka se kapeng lema’, enggi ka’dhinto LAMPA SALENG MASRA’AGI antaraepon sana’ baraja bisan lake’ tor bisan bine’.
1. OKARA PANYAMBUNG dhari BISAN LAKE’ badhi eyatorragi sareng salerana se molja Kiai Haji Moh. Yasik (otaba bakkel dhari sabarundhut bisan lake’)
2. OKARA PANYAMBIT dhari BISAN BINE’, badhi epadhapa’ sareng salerana se molja Bapak Marjono (otaba bakkel dhari sabarundhut bisan bine’)
6. Tareka se pongkasan, enggi ka’dhinto PAMAOSAN DU’A, se badhi eseppowe sareng ….
Saka’dhinto TAREKA LAMPA se bakal kalampan baja laggu samangken.
Ngereng kabidi lampa e are baja laggu samangken ka’dhinto kalaban pamaosan Alfatehah, kalaban pangarep, mandar moga eparengana kalowessan tor possa’ kalaban barokah. AL-FATEHAH. [NB: Atau, bisa langsung bacakan susunan acara nomor (1) di atas].
OKARA PAMONGKAS
Are pagguna nyonar, maodhar pangongkang pagar sare Disa Bangkal, saenggana andaddiyagi tatengal sadaja rabu same abaris damar, asapo’ ekhlas, tettep dhalem jembar tor bunga ate, tometa kalaban karsaepon Allah, Se Amorba Jagat, Se Apareng Ora’ tor Omor dha’ badan kaula sadaja.
Malar moga hal ka’dhinto, anandha’agina ja’ badan kaula sadaja gi’ same baras salamet tor lanjang partobadan.
Sabellunna etotop, ngereng padha marantep dhuwa’ asta, atadha kalaban moddha, mator ta’ bang-tobang, nyabis ta’ bu-ambu, tor ta’ sen-busen moji dha’ Ajunan Guste Allah SWT. Amiin ya Robbal ‘Alamiin..
Badan Kaula, menangka PARENTENG LAMPA, anyo’ona sapora manabi badha oca’ se talempas otaba leccer dhari tengka sola se samasthena. Nyabis pamator, wa billahi taufiq wal hidayah, tsumma ssalamu alaikum Wr. Wb.
Demikian contoh susunan kata-kata MC atau parenteng lampa kabinan dalam bahasa Madura yang bisa dijadikan referensi. Anda bisa menyesuaikannya dengan adat keluarga dan tata acara masing-masing.
Semoga contoh MC pernikahan bahasa Madura ini membantu Anda tampil percaya diri saat membawakan acara, sekaligus menjaga keluhuran budaya Madura dalam setiap prosesi sakral pernikahan.
