Puisi Bahasa Madura: Badan Kaula Ajalan

Badan kaula ajalan noro’ garissa tanang. Bila tageppok ban garis tanang laen, kaula abali ka garis tanang dibi’.

Garis jalan neng e tanang aca’-ranca’. Dhari empol ka thek-enthekan, ebuwan garis alos epeleya se paleng semma’ ka tojjuwan.

Dhari tonju’ manes ka duding, badan kaula ajalan di-kadiya neter penggir sereng. Dhari baba abu paser ngalesser, dhari attas angen sale’bungan, e kangan tase’ te-ngate omba’, e kacer oreng-oreng manca no’-ngono’e jalanna aba’.

Saka’dhinto badan kaula ajalan noro’ garissa tanang, mangkat dhari soko terros kantos bun-embunan.

Omor terros akorang, kole’ sajan kero’, daging olle kerso’ gan sakone’.

Songennep, 25 Januari 2023

Baca Juga:

Catatan Akhir Tahun 2025: Hukum Bolak-balik di Sumenep

Baca Juga:

Kutinggalkan Puisi

Mètes Mitos Madhurâ

13 Conto Kèjhung Èn-maènan Bhâsa Madhurâ