Pantun Religi Bahasa Madura Part 2

MADURA.ID – Postingan ini merupakan lanjutan dari postingan sebelumnya, Pantun Religi Part 1 karya Drs H Muakmam, Pamekasan.

Pada bagian ini (kaca kapèng 2), melalui pantun bahasa Madura, Haji Muakmam menuturkan tentang sunnah, keutamaan serta adab menjalankan ibadah puasa.

Selanjutnya, pada poin nomor 21, penulis menyampaikan pesan-pesan mengenai zakat fitrah yang dalam bahasa Madura disebut pèttra.

Kaca Kapèng 2

13
Mellé témon ḍâ’ Narokan
Sakalasa pas ébâcco
Bânné ghun ta’ ngénom ngakan
Réng apasa naghen napso

14
Kapalla Mat Drussa sanga’
Taséllem kakabbhi maté
Bhâttalla apasa bânnya’
Oréng Islam bi’ té-ngaté

15
Rantang poté élapésé
Rantang méra lébâr sara
Otang péssé majâr péssé
Otang pasa majâr pasa

16
Ghellângnga ḍâri salaka
Bhângonna palé’ obi
Séyangnga dhika apasa
Malemma dârus tarabi

17
Saropéya péssé manat
Dhu’ummaghin ḍâ’ réng ngemmés
Bâḍâ kéya pasa sonnat
Pasa Sennén bân Kemmés

18
Nyassa maréna aséram
Ka arésan nyombu’ lottré
Apasa hokomma haram
Neng tellasan Idul Fitri

19
Kalambhina pon écellup
Kalambu sabâ’ lomaré
Dhing pasana Nabbhi Dâud
Ta’ bu-ambu ella’ sa’aré

20
Nangghâ’ sabu bân komancér
Ékakan mot-kelmodhân
Ajjhâ’ ragu bân kobâtér
Pasana maséhat bhâdhân

21
Aré Salasa ḍâ’ Naméra
Ngébâ mrongghi bâḍḍhâ talam
Maré apasa apéttra
Nyokobhi rokon Islam

22
Obhât méra tambhá’aghi
Jhâ’ loppa dhuli assaén
Zâkat pettra dhu’ummaghi
Ḍâ’ fukara’ fakér méskén

23
Kala’aghi no’ poterra
Korong kerrep ghâbây bâḍḍhâ
Oréng soghi ta’ apéttra
Jhâ’ ngarep maso’ sowarghâ

24
Dhâmar téra’é poterra
Neng pangpang ghântong téngghi
Coma péra’ majâr péttra
Réng sorang saghântang bhâi

Lanjut Baca: Pantun Religi Part 3

Itulah pantun religi berbahasa Madura yang dikutip dari catatan kecil kumpulan pantun karya sesepuh Pakem Maddu Pamekasan, H Muakmam.

***