MADURA.ID – Bagian terakhir lanjutan pantun religi bahasa Madura karya Haji Muakmam, Pamekasan ini terdiri atas 16 larik pantun.
Enam pantun diantaranya masih membahas tentang anjuran bagi umat Muslim untuk menunaikan zakat fitrah atau pèttra.
Pada larik 31, Haji Muakmam lanjut menjelaskan tentang perintah haji bagi yang Muslim mampu, berikut tahapan-tahapan pelaksanaannya. Mari simak pesan pantunnya di bawah ini
Kaca Kapeng 3
25
Péréng talam éssé katkat
Épatoron é tanéyan
Oréng Islam pasthé azâkat
Sataon néng sakaléyan
26
Ajhâr silat ḍâlem ejjib
Messén oḍi’ lajhu nyettir
Majâr zâkat empon wâjib
Molaé bhâji’ bhuru lahir
27
Kalénthang buwâna mrongghi
Ékella ta’ dhik lejjhâr
Ta’ ghâmpang dhâddhi réng soghi
Zâkaddhâ wâjib ébâjâr
28
Ataréka ngokér labáng
Samaréna nolés sorat
Asanḍhekka lakar lowang
Ambâ’ânna neng akhérat
Baca Juga:
21 Pantun Bahasa Madura tentang Pangantan Anyar
Lawas tapi Manis, Inilah 14 Pantun Bahasa Madura yang Kalian Cari
29
Ḍâ’ roma mangkat motorra
Sakabbhinna kébâ’aghi
Ta’ coma zâkat péttra
Sadâka jaréya bâghi
30
Ka Pangléghur asakola
Lébât kottha masthéyaghi
Sajân lébur asadâka
Bherkat arta sajân soghi
Pesan dan Tahapan Ibadah Haji
31
Labun solam ghâbây lama’
Bhântalla ékébâ’aghi
Rukun Islam kapéng léma’
Ḍâ’ Baytullah ongghâ hajjhi
32
Mara néyat mellé sikat
Lé tekka poté ghighina
Séra kowat dhuli mangkat
Ḍâ’ Mekka terros Madina
33
Ḍâri sabâ nénténg kombhâ
Sé ngébâ ḍing-tabhârinḍing
Atawaf alénglêng Ka’bâh
Syafa Marwah Sya’i ngénḍing
34
Ajhâr massa’ kella célo’
Sajân lemma’ masang bujâ
Hajâr aswât é mor lao’
Pancoran emmas neng ḍâjâ
35
Buḍu’ dhârâ nyama pejji
Tomang bessé nyama kompor
Ngalakoné ibâdâ ajjhi
Jhâ’ toman caca sé kotor
36
Ghâlté’ téma keddhi’ ghâbul
Klémbângnga takaé’ mancêr
Tawaf Sa’i bi’ Tahallul
Tong-séttongnga ajjhâ’ céccér
37
Neng sasaka pako bâut
Krénnéngan ghâgghâr ka bâbâ
Neng Arafah lako wukuf
Kennengngan sé mustajâbâ
38
Ngala’ jita ébhit-sebbhit
Sambi mékkér éra-kéra
Musdâlifa wâjib mabit
Mélé blikér kangghuy jumra
39
Palappa ana-bârna
Épéyara é tanéyan
Musdâlifah pas ḍâ’ Mina
Lako jumra ta’ sakaléyan
40
Témon blungka’ cabbhi campor
Ella dhâddhi arojhâghâ
Lamon dhika hajjhi mabrur
Alla jhânjhi éngghân swarghâ
Sekian pantun bahasa Madura tentang agama dalam buku kumpulan pantun karya Haji Muakmam.
Simak juga pantun romantis, pantun nasehat dan pantun jenaka yang ditulis sesepuh Yayasan Pakem Maddhu, Pamekasan ini dalam artikel terpisah.
Salam settong dhara, Madura!
