MADURA.ID – Inilah kumpulan pantun religi berbahasa Madura karya sesepuh Pakem Maddu, Pamekasan, Drs H Muakmam.
Secara keseluruhan, kumpulan pantun karya Haji Muakmam dalam buku yang ditulisnya terdiri dari 100 pantun. 40 diantaranya adalah pantun religi, 20 pantun nasehat, 15 pantun jenaka, 25 pantun romantis.
Redaksi akan menyajikannya dalam beberapa bagian, yakni kaca kapèng sèttong (bagian satu) ini yang terdiri atas 12 pantun sebagai berikut.
Kaca Kapéng 01
(1)
Clana napé clana kona
Clana kona clana ésolam
Ghâma napé sé samporna
Sé samporna ghâma Islam
(2)
Mellé lonthong labân élat
Ngébâ élat Aré Satto
Sé séttong maos syahadât
Sé ḍuwâ’ solat léma bâkto
(3)
Ngébâ calo’ Aré Salasa
Pamoléna mellé kaén
Nomer tello’ apowasa
Péttrana jhâ’ kaloppaén
(4)
Dhâlimana pon maroka
Ékakana ghân sabighi
Sampornana ḍâ’ ka Mekka
Ḍâ’ Baitullah ongghâ ajjhi
(5)
Namen bhâko mon éséram
Najjân lesso bânnya’ obâng
Lamon ngako oréng Islam
Sabbhân bâkto wâjib bhâjâng
(6)
Lanjhâng panḍâ’ tolang roso’
Lem ḍâḍâna bâḍâ até
Bhâjâng wâjib kalabân hoso’
Sowarghâna ékaollé
(7)
Ghân saloné mon nangkana
Ékakana kaḍuwâi
Ngalakoné paréntaNa
Cegghâ’ânna éjhâuwi
(8)
Réng tané éntar ka kolla
Pamangkaddhâ bâjâ lagghu
Ngalakoné parénta Alla
Ghânjhârânna rajâ ongghu
(9)
Mellé temmo nemmo korma
Bâḍâ takér dâun bhiru
Nyaré élmo élmo aghâma
Ta’ mékkér kennengngan jhâu
(10)
Ngérat biḍhik ghân saloné
Kennéng érat sambi nembhâng
Solat wâjib élakoné
Dhinéng sonnat yâ ta’ tobâng
(11)
Ka dhisa melléya panḍân
Lébâdhâ ajhâlân nétténg
Apasa bulân Ramadân
Abiddhâ sabulân bhenténg
(12)
Santré ajhâr neng Madrâsa
Pamokka’ molaé alép
Molaé pajjhâr apasa
Dhing abhuka ḍâpa’ Maghrib
Lanjut Baca: Pantun Religi Bahasa Madura Part 2
