NEWS, SAMPANG - 119 hèktar sabâ è Kabupatèn Sampang, Madhurâ, ollè asuransi tanè sè èkoca' Asuransi Usaha Tani Padi (AUTP). Tor-ator obâng (premi) asuransi ka'ḍinto sakabbhinna èbâjâri Pamarènta Jhâbâ Tèmor.

Tojjhuwânnèpon bâḍâna asuransi tanè  ka'ḍinto kaangghuy abhânto rèng tanè nalèka tamennanna bâḍâ sè ta' dhâddhi otabâ gâgâl panèn. Mèsal, ècapo' panyakè' (hama), ècapo' bhâlâi alam kadhiyâ bânjir tor laèn samacemma.

Orèng tanè bisa ngajuwâghi kon-akon asuransi tanè ka'ḍinto nalèka tamennanna bâḍâ sè ècapo' sala-sèttong bhâlâi sè ampon èsebbhuttaghi è attas. Saèngghâna, oreng tanè paḍâ lopot ḍâri rogi; poduksi tanè pagghun terros kalako.

Baca Juga:Heboh! Pengamen di Lampu Merah Sampang Ketahuan Bawa Sajam Saat Razia

Lora Bâgiyân (Lobâg) Tamennan Pangan tor Hortikultura Disperta KP Sampang, Nuruddin aḍhâbu, jhâ' saongghuna 119 hèktar sabâ è Sampang ampon maso' progrâm AUTP ka'ḍinto.

BACA VERSI BAHASA INDONESIA:

119 Hektare Sawah di Sampang Dapat Jatah Asuransi Pertanian, Biaya Premi Ditanggung Pemprov Jatim
https://dimadura.id/119-hektare-sawah-di-sampang-dapat-jatah-asuransi-pertanian-biaya-premi-ditanggung-pemprov-jatim/

"Ḍâri 119 hèktar jârèya, ongkos premi-na sè rajâna saratos bâllung polo èbu (Rp180 ribu) rowa, sakabbhinna ètangghung Pamarènta Probhinsi Jhâbâ Tèmor," ca'èpon Nuruddin, nalèka ètemmonè è rowanganna, Rebbhu tangghâl 24 April 2024.

Baca Juga:Angin Kencang Terjang Wilayah Sampang, Belasan Rumah Warga Rusak

"Bhuru satèya maghârsarè Sampang ollè progrâm rèya," èmbu salèrana langkong jhârna'.

Dhinèng carana adâptar, orèng tanè bisa jhujhuk ngajuwâghi bhântowan ka'ḍinto nalèka ampon ḍâpa' bâktona namen (masa tanam).

Bisa jughân èkalako kalabân abâ' dhibi'na rèng tanè bâng-sèbângnga (mandiri); ta' kalabân mènta bhântowan (subsidi) ḍâri pamarènta. Manabi saka'ḍinto, rèng tanè kodhu majâr ongkos prèmi dhibi' sè rajâna Rp180 èbu per hèktar sabbhân mosèm otabâ sataon sakalèyan.

Baca Juga:Tabrakan Maut di Jalan Imam Bonjol Sampang, Satu Orang Tewas

"Mon la marè ngorus AUTP, sapa'a bhâi ḍâgghi' bisa ngako jhâ' tanèna rosak ongghu. Yâ mon ta' rosak, mèsalla asèl tanèna bhâghus, yâ pèssè otabâ ongkos premi sè saratos bâllung polo ghellâ' otomatis angos. Jângka bâktona yâ paḍâ, sataon otabâ samosèm," jhârna' salèrana.