Settong Fikroh Settong Harokah, NU sareng Pamarenta Songennep Kompak Ngajum Bangsa

NEWS, DIMADURA – Pangurus Cabang Nahdlatul Ulama (PCNU) Songennep ngampar lampa silaturahim tor buka powasa Ramadhan 1447 H areng-sareng, akompol e Kantor PCNU Songennep, Kemmes (12/03/2026),

Lalampan se ngosong bul-ombul “Nepteppagi Kabinarengngan, Settong Fikroh tor Settong Harokah” enggapaneka menangka andaddiyagi makowat lalampan jugan maseret sasarengngan lampa sareng antara NU sareng Pamarenta Kabupaten Songennep edalemmanna  abangon daerah.

Rabu jugan dhari pan-saponapan para pangalampa tengka laenna e Kabupaten Songennep, mulae dhari olama, umara, para eksekutif, legislatif, kantos yudikatif tor kompolan magarsare laenna.

Katowa PCNU Songennep, KH Md Widadi Rahim, ngatorragi rassa syokkor kalaban kalampanna papanggin kasebbut kantos rabuna para onjangan se langkong maramme kabadha’an lampa sareng e bulan socce Ramadan.

“Alhamdulillah nalekana bakto asar paneka, badan kaula sareng para ajunan sadaja gi’ kaparengan kasehadan kantos sempat angrabuwi tor ngeras silaturrahmi edhalemmanna tareka buka areng-sareng se elampa’agi sareng PCNU Songennep,” dhabuna.

Kiai Widadi notorragi ja’ lalampan paneka ta’ sakadar aropa’agi papanggin silaturrahmi bisaos, tape jugan nyoppre makowat kabinarengngan e dhalem ajalannagi lampa sebang tor tanggung jawab organisasi sareng paraseppo magarsare se badha.

Baca Juga:

Legislator Muda Sumenep Beberkan Makna May Day 2026 Lebih Mendalam

“E dhalemmanna kabiyasa’an NU banget parlona badha manyettongnga panggaliyan (kesatuan fikrah) tor manyettongnga tareka (kesatuan harakah) (gerakan). Tasonto’ dhari kabarentengngan engga paneka, pas sadaja bisa alampa’agi pan-saponapan rarenggan se ampon eyamanattagi dha’ badan kaula sareng ajunan ka’angguy angladine para ommat Nahdliyyin,” totor salerana.

Menorot pamanggina, gin-panggin engga paneka jugan daddiya enggun masoga’ lampa sareng antara pan-saponapan galimpo’ magarsare e Kabupaten Songennep.

Pamanggina salerana, ja’ badhana lampa pambangonan daerah abutowagi lampa sareng sadaja se kabubbuwan parlo, tamaso’ lampa lako NU e dhalemmanna ajaga _nilai-nilai_ kaagamaan se rahmatan lil ‘alamin jugan angrabat kasampornaan sosial e nga’-tengnga’anna ommat (magarsare)

“Rabu jugan e dhalem papanggiyan paneka, para Ulama, para umara, sareng para eksekutif, yudikatif, tor legislatif, sarta para bakkel organisasi kemagarsarreyan, tamaso’ Muhammadiyah. Tor sadaja se ampon angrabuwi e dhalem kabinarengngan lampa sareng, agutong rojung alomampa sasarengngan ka’angguy angladine ommat (magarsare),” dhabuna Katowa PCNU Songennep.

Nalekana paneka jugan, salerana Bupati Songennep H Achmad Fauzi Wongsojudo, adhabu arassa bunga dha’ lampa PCNU Songennep se ka’agungan rengga ka’angguy alampa’agi tareka rengga nyoppre makowat sasarengngan kasebbut.

“Bit asmaepon badan kaula dibi’ tor bit asmaepon Pamarenta Kabupaten Songennep, badan kaula ngatorragi salamat alampane ibada powasa. Salamet jugan dha’ ka para pangurus PCNU Songennep se buru ngabidi lampa, malar moga rabuna kapangurusan se anyar bisa’a materros lalampan sareng pamarenta daera,” dhabuna.

Fauzi jugan adhabu ja’ sabellunna pamarenta daerah ampon ator-catoran sareng pan-saponapan para bangaseppo NU nyoppre bisa’a makowat lampa antara PCNU sareng Pemkab Songennep e dhalemmanna ngemban pakon bab rarenggan ngajum magarsare.

“Se langkong otama, pamarenta daerah nampane tor narema kasaeyan sadaja rakrak karep dhari PCNU Songennep se nojju dha’ kabagusan nyopprè nojju kasampornaan magarsare ,” dhabuna.

Salerana jugan ngatorragi mator sakalangkong dha’ kapangurusan PCNU se sabelunna, se ampon apareng kontribusi se nyata; ngapenge pamarenta daerah se ngemban pakon ka’angguy ngajum kasampornaanna magarsare.

Maos Versi Indonesiana: Satu Fikrah Satu Harakah, NU dan Pemkab Sumenep Kompak Bangun Daerah

Fauzi juga adhabu ja’ pamarenta daerah paggun narema dha’ sadaja ator pamanggi dhari PCNU, sae e dhalemmanna pamanggi, gin-panggin, sanaos karitik se ka’angguy ngajum kasaeyan nyoppre kasampornaan tor kamajuwan daerah.

“Hubungan se sae antara PCNU Songennep sareng Pamarenta Kabupaten Songennep, aropa’agi settong kabajiban dha’ ka badan kaula. Ngajum tor abangon Songennep paneka banne gun lampa karsa otaba tanggung jawabba pamarenta bisaos, namong jugan tanggung jawab sadaja magarsare tamaso’ PCNU,” dhabuna.

Parlo ekaonenge ja’ papanggiyan engga paneka jugh erabuwi para pengurus PCNU Songennep sareng Badan Otonom (Banom), onjangan MWCNU sa-Kabupaten Songennep, Kapolres, Dandim, Kapala Kamanterian Agama Songennep, Kapala Kamenhaj Songennep, bangasepo partai politik, Direktur Utama BPRS sareng BMT Nuansa Umat, Katowa PD Muhammadiyah, jugan para anggota fraksi DPRD Sumenep.

***