Are Moncar

ARE MONCAR

Pompong arena gi’ moncar
Salaggi’ kelbu’ e dhadha padha  lancar
Maddha! dika sareng bula
Mangkat ngaji, mangkat asakola
Amarga neng e bume
langkong bannya’ se kodu eteggesse

Sopaja ngarte
Sopaja ngastete
Sopaja tengate
Nete jalan
jalanna ate
ate se odhi’
Odhi’ se etete
Tete se atale dha’ ka se Maha Socce
Tantona lebbi alos etembang lente
se eros-ros

Odhi’ sakalean, mate sakaleyan!
Senga’ ja’ ka-sengka ajar elmona Guste Pangeran
margana ampon bannya’ bakto
se ngalambek-agili parcoma
e penggir-penggiranna sellokan
Astagfirullah, odhi’ sajan ta’ nanto
Naleka aba’ ampon kaelangan pangesto

16 Mei 2024

Baca Juga:

Merayakan dengan Keberanian: Refleksi Hari Perempuan 2026 dari Ruang Gerak KOPRI

Khaliltirta, Lora Komunitas Damaratè Sumenep. Babar e Pasean Pamekasan. Samangken, jekjek ajalane kaodhi’an neng e Gapurana, Talango, Songennep.