Fauzi Judo labân Fauzi Gerung

LONGLONGAN, DIMADURA – Badha tello’ nyamana oreng e dhiya se katon ta’ nemmo baddhana emo’. Tatello’ nyama reya bila esebbut, oreng ta’ kera ta’ gu’-onggu’an. Tello’ nyama reya ce’ kaonangnga, mara nang-konang. Leburra pole, tello’ nyama reya kabedherran padha. Se andhi’ nyama jakte mesem mon ba’na tao: Fauzi.

Ya. Nyamana pajat Fauzi. Nyama se ce’ gampangnga ekoca’agi. Gampang ekaenga’e. Sengko’ ban ba’na seggut ngedhing nyama jareya. Maskeya tanto ta’ padha ban nyama Asep. Otaba nyama Agus, Budi ban Joko, se pajat ta’ pera’ bannya’, bali’ nombuk.

Tantona, nyama Fauzi ta’ guna sakadar cap-ocaban. Bali’ daddi settong kabadha’an kalaban asal-mowasal careta se bida. Enja’ banne polana nyamana padha tello keccap. Bali’ polana nyalennena nyama reya mo’dul kalaban careta bang-sebang.

BÂCA KÈYA: 5 Contoh Cerita Mini Absurd: Burung, Batu, Pintu, Pohon, dan Laut

5 Contoh Cerita Mini Absurd: Burung, Batu, Pintu, Pohon, dan Laut

Baca Juga:

Madura dan Jejak Tua Pesantren Nusantara di Balik Hari Santri Nasional

Fauzi Judo

Se kapeng settong, Achmad Fauzi Wongsojudo. Se kapeng dhuwa’, Fauzi AS. Terros se kapeng tello’, Kyae Faizi. Nyama se nomer tello’ reya maske bida horop U ban I, tape artena ta’ jau bida alias sesep: bajjra otaba mennang. Mela iya Fauzi otaba Faizi amowasal padha dhari oca’ Basa Arab.

Fauzi se dha’-adha’ rowa bisa ekoca’agi bakkella bannya’ pangarep ban asa. Ce’ bannya’na pangarebba oreng ka Fauzi rowa; tantona parkara odhi’ ban kaodhi’an; pokpara kabajjra’an ban karajja’an; ban apa’a bai ra poko’na. Sakeng dhari bannya’na, oreng kadhang loppa ja’ Fauzi manossa keya. Tabates; bannya’ kakoranganna; bali’ kantos katoppalan.

Jaktena, naleka nyama daging Achmad Fauzi pas temmo agante, ton-katon badha petodu arebban anyar. Apa pole e budhina nyama Achmad Fauzi olle tamba’an abak lanjang: Wongsojudo. Sengko’ se awam posang tempo nyare padhananna oca’ Wongsojudo. Pandumanna abak malarat. Sabariya dhari panggaliyan harfiah, basa, otabana istilah.

Tape mon guna thek-othek kasar, Wongsojudo bisa agindhu’ arte katoronan otaba sana’ barajana rato se ngagunge sepat andhep asor. Wongso dhalem basa Jaba pajat andhi’ arte katoronanna rato. Sabatara judo, mowasalla dhari dhuwa’ oca’ Jepang, iya areya “ju” kalaban arte lembu’ ban “do” arte jalan. Pokeddan harfiyah, judo andhi’ arte jalan se lembu’.

Leppas dhari ma’nana, Fauzi se dha’-adha’ reya pajat mekol arebbanna bannya’ oreng. Langkong-langkong sa’ellana ongga pangkat dhari bakkel bupati daddi bupati. Bannya’ arebban se egantong ka nyamana, tape bannya’ keya rassa se koceba. Kappra.

Bupati manossa keya. Tape ajja’ sampe loppa, kalaban daddi bupati, oreng jareya bisa matoju’ manossa ka katoju’an se samasthena. Program ban kapotosanna bisa malobar. Labedda bisa ngeba ngoba dunnya.

Dhu ngarebba ba’na kabbi, Fauzi reya bupati padha ban rato se onggu-onggu andhep asor. Padha ban mekol berra’na arte tamba’an e nyamana: Wongsojudo. Saenggana bakal paggun mennang tor bajjra, baramma ca’na artena oca’ Fa’iz dhalem nyama Fauzi se nalpe’ dhalem aba’na.

MAOS JHUGHÂN: Urgensi Literasi Bahasa Madura: Membangun Jembatan Budaya dan Pendidikan

Urgensi Literasi Bahasa Madura: Membangun Jembatan Budaya dan Pendidikan

Fauzi Gerung

Fauzi kapeng dhuwa’, Fauzi As. Fauzi se settong reya bisa ekoca’ abak nyalenne. Polana lakona seggut manglo kalakowanna Fauzi se settongnga. E bannya’ kasempadan, Fauzi reya dha’-padha’a ban Rocky Gerung ka Jokowi. Tadha’ bendherra. Tadha’ bagusss. Kabbi padha: bunggan!

Sakeng iya, Fauzi se kapeng dhuwa’ reya erassa paggun ngapencoten. Mon eyabas dhari padduna tasmak jurnalistik, Fauzi reya tamaso’ sarat somber se ce’ ekaparlona. Neng e dhalem aba’ ban essena otegga pajat bannya’ parkara gawat. Bali’ paleng ce’ gawadda; bila ara kapotosanna Fauzi se settonganna ta’ berra’ ka reng mesken; duduwan ne’-kene’na pokpara pamarenta’an dhalem basana Rocky Gerung gella’.

Tape, se mara jarowa ongguna maso’ istilah versi (versus ca’na reng Inggris, red). Versi ya versi bang-sebangnga. Mon la versi, tanto paggun subjektip. Gampang nyala’agi. Sanajjan kalakowan nyala’agi ta’ parlo majar paket dhata otaba bulsa. Leh, versi Fauzi se bupati kalaban versi “Fauzi Gerrung” tanto paggun lako kalero.

Oddi tenggu Tiktokka Fauzi AS. Se ma’ ko-lako ngombar e Barandha. Li-baliyan esse se mo’dul ya Fauzi se settonganna kalaban sabara’ala komandin kakoranganna. Rangrang, bali’ keng tadha’ kalebbiyanna. Sakeng enga’ ya, areya kan pareppa’na versi-versi.

Neng e Tiktok versi Fauzi kapeng dhuwa’ se olle du’-bundu’ tellasan, sengko’ sempat kapencot. Maske ta’ nyebbut sapa se aberri’ du’-bundu’, Fuazi AS pas adu’um essena amplop ka sakobengnga. Badha pokpara a’um-du’um. Sakengan, se edu’um banne andhi’na, bali’ dhari baberri’na kapangraja keya.

Maskeya amploppa edu’um, sarongnga paleng eyangguy. Modhiyan sengko’ ma’ satengnga ngarte, du’-bundu’ rowa ongguna dhari Fauzi se ngadha’: Fauzi Judo. Bungkos du’-bundu’ ban sarongnga padha ban se ekerem ka sengko’, hihi. Saporana.

Kyae Faizi

Baramma mon Fauzi ban Faizi? Paramaos tanto la padha ngarte. Agimpo’na empa’ sehat lema’ samporna neng e aba’ bang-sebangnga, ngeba sengko’ ban paramaos onggu kapencot.

BACA JUGA: Kenali Contoh Kata Antonim Bahasa Madura

Kenali Contoh Kata Antonim Bahasa Madura

Kalaban jajjulugga menangka kyae, tokang tabbu, bujangga otaba kaonangnga lebur ka ebbis AKAS, kerana la genna’ tor ontas. Kajunelanna dhalem bab fiqh iya keya la jarna’ tor pongkas. Genna’, ontas ban pongkas. Takbir!

NB: Artikel ini diterjemahkan dari kolom Akhmadi Yasid yang terbit JPRM, edisi Kamis 9 Mei 2024 dengan judul: “Fauzi Judo vs Fauzi Gerung”

• Penulis: Akhmadi Yasid, Mantan Pemred Jawa Pos Radar Madura
• Penerjemah: Mazdon (Moh Sumardono), Eks Direktur PT Sinergi Mediatama Nusantara

***