Sumenep: Kota Keris, Bhâkal Karè Nyamana tho’

DIMADURA.ID–Mojok.co maongghâ sèttong artikel kalâbân bhul-ombhul “Sumenep: Kota Keris yang Miris“, Kemmès tanggal 2 Maret 2023.

Akbar Mawlana, sè nyerrat artikel ghâpanèka, nyebbhuttaghi jhâ’ “Sumenep: Kota Keris” bhâkal coma dhâddhi sakadhâr mèmpè, otabâ bisa èkoca’aghi bhâkal karè nyamana tho’ (yang Miris).

Pasallèpon, nalèka Akbar Mawlana èntar dhibi’ nèngghu kabâḍâân sè sanyatana neng è Dhisa Aèng Tontong, Kacamadhân Sarongghi–dhisa sè èpadhâddhi kaca kebbhângnga program Sumenep Kota Keris–ta’ aghâmbhârrâghi somakta visi tor misina Achmad Fauzi sè samangkèn ampon dhâddhi Bupati Sumenep.

“Seharusnya jika pemerintah menjadikan keris sebagai simbol dari Sumenep, pemerintah kabupaten memiliki inisiasi untuk mendukung industri keris dan mengembangkan inovasi wisata. Namun yang terjadi di lapangan, pemerintah kabupaten kurang mampu mengembangkan keris sebagai wisata,” tolès Akbar.

Akbar atotoran, abâ’na tambâ kasambu’ nalèka tao dhibi’ jhâ’ jhâlân-jhâlân sè nojjhu ḍâ’ Dhisa Aèng Tongtong rosak parana, bânnya’ lobâng tengnga jhâlân tor korangnga JPU nalèka èntar bâkto malem.

“Saya tersentak tatkala pergi ke desa wisata keris di Aeng Tong-tong, Kecamatan Saronggi. Ketika menuju ke Desa Aeng Tong-tong, sejauh motor berjalan, jalanan di sana berlubang dan tidak rata. Dan jika malam hari tiba, tentunya perjalanan bakal semakin berbahaya mengingat kondisi jalanan yang buruk serta minim dengan lampu penerangan,” totorra.

Bâcâ Laènna: Banyak Tumbuh di Madura, Ternyata Ini Nama Latin dan Khasiat Buah Lèng-Malèngan

Sa’amponna ḍâpa’ ka dhisana tokang kerrès Aèng Tongtong, sèngko’ sajân kasambu’ tèmpo ngèḍing berta ḍâri para tokang ghâbâyyâ kerrès ngèngèngè pokpara dhisa bisata kerrès.

Carètana sala sèttong tokang, maghârsarè Aèng Tontong ca’èpon toman nyo’on ḍâ’ pamarènta sopajâ èbhâḍhiyâghi papan pènodhu ḍâ’ dhisa bisata kerrès Aèng Tongtong.

Tojjhuwânna, kaangghuy maghâmpang orèng manca sè èntara otabâ pon pareppa’na èntar ka dhisa bisata kerrès Aèng Tontong. Nyatana, ca’èpon, pamarènta ta’ toman ngèjâbhin parnyo’onanna maghârsarè.

Akhèrra, Akbar materros totorra, kabâdâân ghâpanèka–èngghi rosagghâ jhâlân, tambâ korangnga papan pènodhu–mostaèl bisa ngèbâ nyama otabâ jargon “kerrès” dhâddhi bhul-ombhullâ bisata otama Kabupatèn Sumenep sè lambâ’ anyama Songennep, Somekkar panèka.

“Dengan kondisi jalanan menuju Desa Aeng Tong-tong yang kurang baik, ditambah kurangnya penunjuk arah, maka menjadi mustahil keris bisa menjadi destinasi utama wisata Sumenep,” ca’èpon.

Èstona, èmbu Akbar Mawlana ḍâlem serradhânnèpon, kerrès ongghu bisa dhâddhi potensi kaangghuy najhâ’ tor nangghâ’ orèng manca sopajâ èntar apalessèr ka Sumenep.

Rajâ kaèdhânna sareng karaton Songennep, menorot Akbar, kerrès nyata bisa dhâddhi gher-ogherrâ bisata tradisional Aèng Tongtong sè possa’ kalabân nèlay estetika tor filosofi.

Pamarènta Kabupaten Sumenep ekoca’ korang bhârenteng matabâr Dhisa Aèng Tongtong mènangka dhisa bisata ḍâ’ maghârsarè Indonesia.

Sabbhân noro’ addhuwân dhisa bisata, maghârsarè Dhisa Aèng Tongtong ca’èpon kodhu makalowar obâng dhiri’. Paḍâ tokang kerrèssa, sè aghâlimpo’ ḍâlem paguyuban, jhung-rojhung sombhâng sakanca’an.

Samangkènan, para panḍhi neng è Dhisa Aèng Tongtong ca’èpon paḍâ aserro korang modal polana taḍâ’ bhântowan ḍâri pamarènta.

“Padahal perajin keris membutuhkan biaya untuk membeli bahan dan alat-alat dengan harga yang tidak sedikit. Besarnya jumlah pengeluaran perajin keris tidak sesuai dengan jumlah pendapatannya,” ca’èpon.

Ètambâ kabâḍâân krisis sabellunna, tèmpo ghi’ Covid, sè ka’ḍimma kantos mangkèn kabâdâ’ân ghâpanèka ca’èpon ghi’ pagghun adhina karè.

Maskè toman aparèng, bhântowanna pamarènta èkarassa rowet, sèla bâriyâ ca’èpon ḍâpa’na jhughân ta’ bârâta.

Bâca Kèya: 41 Paparegan Madura Jenis 4 Baris

Samangkèn nèka, para panḍhi è Aèng Tongtong bhingong bârâmma carana ngèkspor bhârângnga ka lowar Madhurâ, langkong-langkong ḍâ’ naghârâ manca.

“Hampir semua ekspedisi pengiriman tidak menerima keris. Alasannya, keris masuk ke kategori benda senjata tajam. Akhirnya perajin keris harus memilih jasa pengiriman lainnya dengan harga kirim lebih mahal. Sehingga ini berdampak pada berkurangnya jumlah pendapatan mereka.” 

Sèttong parnyo’onannèpon para tokang kerrès Dhisa Aèng Tongtong sè ta’ kalako kantos mangkèn, èngghi ka’ḍinto: Kadhiponapa tarèkana pamarènta sopajâ bisa maghâmpang jhâlânna orèng ngèrèm kerrès ka lowar Madhurâ.

Rajâ pangarep, ca’èpon, pamarènta kabupatèn èngghâl nyoson Peraturan Daerah sè èssèna bisa nolong maghârsarè Aèng Tongtong; para panḍhi tor dhâghâng ghâmpang ajhâjhuwâlân kerrès, ta’ mabi nyeḍḍhuk bhânḍhâ rajâ.

“Maka sepertinya kita harus maklum kalau Sumenep Kota Keris nantinya hanya tinggal nama. Lha, gimana nggak tinggal nama, kalau pemerintah kabupaten kurang memberikan dukungan secara masif dan responsif, gimana keris bisa terus bertahan jadi kebanggaan warga Sumenep? Justru desa wisata keris bisa terbengkalai, perajin keris makin lunglai!”

Pongkas carètana Akbar Mawlana sè èkèrèm tor ampon èpaongghâ neng è Mojok.co, Kemmès tangghâl 2 Maret 2023.

Sakadhâr tambâân, ngabidhi ḍhimèn lagghi’ jhâman karajhâân, Sumenep kalonta kalabân kerrabhân sapèna, panḍhi kerrèssa, maghârsarèna sè alos andhâp asor, tor kaonang mènangka kabupatèn sè ajhâjhuluk Somekkar kantos Kuda Terbang.

Somekkar anḍi’ artè kembhâng ro’om. Asal ḍâri oca’ Sekkar, kèngèng èmbuwân otabâ sessellan “om” saèngghâ dhâddhi Somekkar. Samangkèn èkoca’ Sumekar.

Kantos samangkèn, kembhâng sè anyama sekkar panèka lagghi’ tombu jhenno neng è tanèyanna Masèghit Aghung (Masjid Jamik Sumenep). Kembhângnga bârna potè, ro’omma seḍḍhâ’ nyarenḍem.

Sabâtara jhâjhuluk sèttonganna, Kuda Terbang, ka’ḍinto aropa’aghi nyama ḍâri bhâsa Malaju (Indonesia) ḍâri oca’ Madhurâ: Jhârân Ngabbher, katètèyanna Pangèran Jokotole (Rato Songennep ka-27).

Bâca Laènna è Google News