Dimadura.id – Berikut ini 21 Pantun Bahasa Madura tentang Pangantan Anyar atau pengantin baru.

Pantun Bahasa Madura ini penulis sajikan untuk pembaca Dimadura.id demi meramaikan Bahasa Madura di jagad maya.

Sebagaimana disampaikan sastrawan asal Batang-Batang, D Zawawi Imron, saat menyampaikan orasi kebudayaan di Pamekasan beberapa waktu lalu, salah satu teknik mudah menulis pantun antara lain sebagai berikut.

”Manabi nyerrat pantun, ghuru laghuna palèng sakonè’ 8, palèng bânnya’ 10, nyopprè ta’ kakka’ manabi èlaghuwâghi otabâ èkèjhungngâghi,” katanya dalam Bahasa Madura.

Artinya, jika ingin menulis pantun, pantun tersebut setidaknya mengandung 8 guru lagu dan maksimal 10 (guru lagu). Hal itu dimaksudkan agar lidah kita tidak tersendat-sendat manakala membaca atau melagukannya.

Inilah contoh 21 Pantun Bahasa Madura tentang Pangantan Anyar atau penganten baru yang penulis rangkum dari hasil percakapan di Grup What’sApp, Komunitas Abdhi Dhalem, Sumenep.

Matè lampu tanèyan petteng
Jhângkrèk ngerrèk renḍeng onḍem
Sè lakè’ pon mathettheng
Sè binè’ dem-nyalèndem
Ka jhubârâ’ èntara nabbhu
Monyèna cekcek rammè ongghu
Bilâ sè kaḍuwâ pon alebbhu
Lèncak ngarèyek pasèra ngonḍhu
Ka’-bhungka’an bânnya’ robbhu
Ojhânna ma’ rajâ ongghu
Sè kaḍuwâ manḍi sobbhu
Mattowana mèsem longghu (Mazdon)
Ka Parancak nyarè kalep
Jhâ’ bit-abit aḍon-jânḍon
Mon lèncak terro ta’ ngarèyek
Messen springbet dâ’ Pa’ Dodon
Aèngnga aèssè kalemmmar
Nyèllem sabâb ta’ adhâmâr
Cè’ sennengnga pangantan anyar
Wâ-ḍuwâ’ân è ḍâlem kamar
Kalambhina ḍu asonar
Ḍu èyabâs ta’ kalasem
Cè’ bhungana pangantan anyar
Salèng abâs sambi mèsem
Dhâmar bulân akalarkaran
Ḍâri kottha terros ka dhisa
Mon sabulân ta’ kalowaran
Pajhât jata ḍâri mattowa
Nyarè lanḍâ’ ka Cabbhiyâ
Pamolèna ḍu lèbât ghuwâ
Bulâ taḍâ’ èbâghiyâ
Pangantanna mandhâr jhuḍhuwâ
Nyaranga’ è aḍâ’na dhâmar
Ka Bhâlighâ mellè lonthong
Manabi ènga’ bâto pangantan anyar
Nyara nambâ ma’ lebbi sèttong
Ka keppo ka Banasarè
Acella’ bâkto ghârowâ
Mon ghun sampo nyaman mellè
Poko’ ta’ ngala’ ḍi’ mattowa
Ka Trawas kalambhi ḍâlem
Nopè solèng ca’-lonca’an
Mon pengawas ta’ perna è dhâlem
Ngalèlèng mèkkèrè sakola’an
Ka Songennep asongko’ ajjhi
Songko’ ajjhi sello’ kaoka
Du’a slamet akalong pamojhi
Dhâr dhâddhi èlmo barokah
Nyarè lanḍâ’ bân-abânna
Nemmo bâlâna’ è lèkèna
Oca’na dhika taḍâ’ salana
Bânnya’ ana’ bânnya’ rajhekkèna
Ka Bhâlighâ nompa’ ebbis
So robiyâ mellè cabbhi
Malar moghâ pantunna Bu Is
Dhâddhiyâ pandu’a mandhi
Jhâuna ḍu cè’ jhâuna
Ka Kwanyar tojjhuwânna
Bhungana atè bhungana
Pangantan anyar cè’ rokonna
Nolong dhugghân tengnga aèng
Panèka è bâkto nyassa
Jhâ’ règ-lèrèghân ḍâ’ rèng laèn
Sabâb akad nèka pon essa
Arè Satto mangkat ka Mekka
Sè manḍiyâ kodhu tè-ngatè
Sanonto dhika pon tekka
Malar moghâ dhâddhiyâ pasthè (Harwiyanto)
Palèng nyaman palotan ponar
Mellè tabing tello’ satalè
Palèng nyaman pongantan anyar
Marè akabin ta’ klowar sakalè
Bârâmma monyèna ḍângḍâng
Bilâ èkotep ong-klaongan
Bârâmma monyèna labâng
Bilâ èyèntep on-laonan (Nom Jalal)
Jhuko’ klemmar akalar-karan
Ka Pasar Ghânding mellèya talè
Pangantan anyar ta’ kalowaran
Sampo è jeḍḍing taḍâ’ sakalè (Mufid Ahmad)
Kella congcong ma’ èsepsep
Abiddhânga kowa tannya’
Mompong mosèmma lep-cellep
Pabhâjheng aghâbây ana’ (Firmansyah)