Mengenal 2 Jenis Paparegan Madura

Jaja tarona
Ja-ngaja sakeng terrona

Ja’ mon-temmonan kerreng keya
Ja’ mon-semmonan oreng keya

Juko’ kaban juko’ langgung
Mon ban-aban kodu tedhung

K

Kacepot gulana mera
Sala lopot nyo’ona sapora

Kaju kerreng sanggu mate
Ma’ acerreng dhika nape

Baca Juga:

Puisi Puisi Sugat Ibnu Gazali

Kalanceng pote dhina mardha
Pabajeng nyare elmo aqida

Klaras klare trebung manyang pe-sapeyan
Baras mare tedhung nyaman pe-mempeyan

Kalong mane’ nyang-kornyangan
Lorong kene’ pangongngangan

Kandhhibas karena ba’ari’
Kare ngabas ta’ eberri’

Karatha’ karethe’
Arta’na bata’ me’ la lette’

Karopok ban gulana
Tarampok padha gilana

Karowa’an karenengan
Se towa’an se akonengan

Katonon kajuwan jate
Alalakon kodu ngastete

Kembang gadhdhhing bau ro’om
Praban raddhin kodu santon

Kembang padhi kembang slase
Entar mandhi olle berse

Kembang padhi kembang nylateng
Entar mandhi olle ganṭeng

Ker-palekker calatthongnga embi’
Se epekker ontongnga dhibi’

Kenca palotan
Bila kanca taretan