Mengenal 2 Jenis Paparegan Madura

Jhâ’ mon-temmonan kerrèng kèya
Jhâ’ mon-semmonan orèng kèya

Jhuko’ kabân jhuko’ langghung
Mon bân-abân kodhu tèḍung

K

Kacèpot ghulâna mèra
Sala lopot nyo’ona sapora

Kaju kerrèng sangghu matè
Ma’ acerrèng dhika napè

Kalanceng potè dhina marḍâ
Pabhâjheng nyarè èlmo aqidâ

Baca Juga:

Puisi Puisi Sugat Ibnu Gazali

Klaras klarè trèbung manyang pè-sapèyan
Bârâs marè tèḍung nyaman pè-mèmpèyan

Kalong manè’ nyang-kornyangan
Lorong kènè’ pangongngangan

Kanḍhibâs karèna bâ’âri’
Karè ngabâs ta’ èberri’

Karatha’ karèthè’
Arta’na bâta’ mè’ la lettè’

Karopok bân ghulâna
Tarampok paḍâ ghilâna

Karowa’an karènèngan
Sè towa’an sè akonèngan

Katonon kajuwân jhâtè
Alalakon kodhu ngastètè

Kembhâng ghâḍḍhing bâu ro’om
Prabân raddhin kodhu santon

Kembhâng paḍi kembhâng slasè
Entar manḍi ollè bhersè

Kembhâng paḍi kembhâng nylateng
Èntar manḍi ollè ghânṭeng

Ker-palekker calatthongnga embi’
Sè èpèkkèr ontongnga dhibi’

Kènca palotan
Bilâ kanca tarètan

Kèr-palèkkèr taèna embi’
Èkèr-pèkkèr ta’ noro’ anḍi’

Kocor bân tangghulina
Acampor paḍâ ghilâna

Kocor kalabân ghâddhuna
Atempor paḍâ bhuḍhuna

Komak kèng ta’ akombi’
Ommat kèya kèng ta’ anḍi’

Komantan lakè’ binè’
Mangka raddhin èkèkkè’ rengngè’

Kor-palokkor taèna embi’
Kor-sokkor ollèna dhibi’

L

Lè-kalèyan temmo èreng
Sakanca’an sarmo senneng

Lèmbung Lènteng Rubaru Dhungkè’
Tombung ghâtel èghâru sakè’

Leng-èleng lebbhâ’ buwâna
Leng-celleng seḍḍhâ’ robâna

Lèntè salèntèya anḍhâna taḍâ’
Bhathè ma’ bhâthèya bhânḍhâna taḍâ’

Lorong kènè’ pèngghir ḍâjâ
Pong ghi’ kènè’ omor ngoḍâ

M

Mano’ kwacè mèlè bhighi
Pènter soccè buḍḍhi tèngghi

Mano’ poter kaka’ towa
Orèng pènter asakola

Mano’ poter ca’-lonca’an
Sè la soker pa’-sapa’an

Ma’ mèna èmet-remmet
Mon ngèna jhâ’ nget-bhânget

Mellè beḍḍhus regghâ asor
Kana’ bhâghus anḍhâp asor

Mon abhânta jhâ’ to’-koto’
Mon acaca jhâ’ to’-ngroto’

Mon ajhâmo copaaghi
Mon tatemmo sapaaghi

Mon caratcat la amonyè
Tanḍhâna osoma anyè

Mon-lèmonan rantè koya
Ma’ mon-semmonan ta’ kèra ngartè kèya