Mengenal 2 Jenis Paparegan Madura

Mon-tèmonan rantè koya
Ngajhâk katemmon jhâ’ kerrèng kèya

N

Namen tales pèngghir paghâr
Abâ’na males sengka ajhâr

Nangghâ’ bherrâs rebbhung ghângan
Abâ’ bârâs tèḍung nyaman

Nangghâ’ calorong bhâko ampek
Anggâ’ è lorong bengko bhirsek

Na-nyenna ḍâunna gheḍḍhâng
Na-magenna jhâ’ ta’ yonjhâng

Baca Juga:

Puisi Puisi Sugat Ibnu Gazali

Na-nyenna ḍâunna perrèng
Jhâ’ na-perna bengkona orèng

Nèng nèng monyèna ejjhâm
Sè akalambhi konèng ollèna ngènjhâm

Ngakan bursè bi’ cangkaro’
Ta’ anḍi’ pèssè jhâ’ ro’-noro’

Ngala’ mrongghi ngèbâ arè’
Mon la soghi jhâ’ rè’ cerrè’

Ngobbhâr roman kalarèna
Bhakal nyaman buḍi arèna

Nyarè monḍhu nemmo tales
Orèng bhuḍhu nèko males

Nyarowan kala’ maddhuna
Asapowan ngatèla’ jhuḍhuna

O

Ollè bhâko bân pènang, nangka sakerra’
Molè soko bân tanang, mata mancella’

Orèng Mongol dhâ’ tanana
Nyaè ngolngol taḍâ’ ghighina

P

Pak-tèpak bâḍḍhâ apen
Tapakpak paḍâ prèmpen

Pak-tèpak bâdhâl Bhângkalan
Tapakpak paḍâ bângalan

Pak-tèpak bâḍḍhâ ghulâna
Tapakpak paḍâ Madhurâna

Pak-tèpak bâḍâ ghulâna
Tapakpak paḍâ ghilâna

Pak-tèpak bâḍâ nyèyorra
Tapakpak paḍâ pènterra

Pak-tèpak bâḍḍhâ soko
Tapakpak paḍâ alako

Pak-tèpak campor tajhin
Tapakpak paḍâ raddhin

Pak-tèpak campor sokon
Tapakpak paḍâ rokon

Pak-tèpak ghulâ lejjhur
Tapakpak paḍâ jhujhur

Pak-tèpak ghulana celleng
Tapakpak paḍâ gântheng

Pa’-empa’ bijjhân kacèpot
Èpateppa’ kaḍhâng ghi’ lopot

Pa’ empa’a lalèma’a
Ta’ nyapa’a ḍu bârâmma’a

Pa’ lèmpong paḍi ghâghâ
Ḍâpa’ nèngkong ta’ ngennèng jhâghâ

Pa’ lèmpok bâḍḍhâ krenneng
Tarampok paḍâ senneng

Pa’-lopa’ bâḍḍhâna èngghun
Pateppa’ ma’lè ta’ dhâddhi tatèngghun

Perrèng kèng ta’ arèbbhung
Orèng kèya kèng ta’ ambung