Mengenal 2 Jenis Paparegan Madura

Pak-tepak badhal Bangkalan
Tapakpak padha bangalan

Pak-tepak baddha gulana
Tapakpak padha Madurana

Pak-tepak badha gulana
Tapakpak padha gilana

Pak-tepak badha nyeyorra
Tapakpak padha penterra

Pak-tepak baddha soko
Tapakpak padha alako

Pak-tepak campor tajin
Tapakpak padha raddhin

Baca Juga:

Puisi Puisi Sugat Ibnu Gazali

Pak-tepak campor sokon
Tapakpak padha rokon

Pak-tepak gula lejjur
Tapakpak padha jujur

Pak-tepak gulana celleng
Tapakpak padha gantheng

Pa’-empa’ bijjan kacepot
Epateppa’ kadhang gi’ lopot

Pa’ empa’a lalema’a
Ta’ nyapa’a dhu baramma’a

Pa’ lempong padhi gaga
Dhapa’ nengkong ta’ ngenneng jaga

Pa’ lempok baddha krenneng
Tarampok padha senneng

Pa’-lopa’ baddhana enggun
Pateppa’ ma’le ta’ dhaddhi tatenggun

Perreng keng ta’ arebbung
Oreng keya keng ta’ ambung

Perreng keya keng ta’ agumbus
Oreng keya keng ta’ loddhus

Perreng keya keng ta’ odhi’
Oreng keya keng ta’ andhi’

Perreng odhi’ ajum pasekken
Oreng odhi’ kodu parempen

Perreng odhi’ gabay lencak
Orêng odhi’ kodu pelak

Perreng odhi’ gay pancoran
Oreng odhi’ tao atoran

Perreng odhi’ gabay tete
Oreng odhi’ kodu ngastete

Perreng odhi’ neng sabuko
Oreng odhi’ kodu alako