Mengenal 2 Jenis Paparegan Madura

Ker-palekker taena embi’
Eker-pekker ta’ noro’ andhi’

Kocor ban tanggulina
Acampor padha gilana

Kocor kalaban gaddhuna
Atempor padha budhuna

Komak keng ta’ akombi’
Ommat keya keng ta’ andhi’

Komantan lake’ bine’
Mangka raddhin ekekke’ rengnge’

Kor-palokkor taena embi’
Kor-sokkor ollena dhibi’

Baca Juga:

Puisi Puisi Sugat Ibnu Gazali

L

Le-kaleyan temmo ereng
Sakanca’an sarmo senneng

Lembung Lenteng Rubaru Dungke’
Tombung gatel egaru sake’

Leng-eleng lebba’ buwana
Leng-celleng sedhdha’ robana

Lente salenteya andhana tadha’
Bathe ma’ batheya bandhana tadha’

Lorong kene’ penggir dhaja
Pong gi’ kene’ omor ngodha

M

Mano’ kwace mele bigi
Penter socce buddhi tenggi

Mano’ poter kaka’ towa
Oreng penter asakola

Mano’ poter ca’-lonca’an
Se la soker pa’-sapa’an

Ma’ mena emet-remmet
Mon ngena ja’ nget-banget

Melle bedhus regga asor
Kana’ bagus andhap asor

Mon abanta ja’ to’-koto’
Mon acaca ja’ to’-ngroto’

Mon ajamo copaagi
Mon tatemmo sapaagi