NEWS, SUMENEP–Bupati Sumenep, Achmad Fauzi, nganggârraghi Rp 544 juta kaangghuy maghârsarèna sè alako è lowar Madhurâ.
Bâḍâna anggârân ganèka polana bânnya’ maghârsarè Sumenep sè alako è lowar Madhurâ, otamaèpon maghârsarè sè alako ajâgâ bârung paracangan è Sorbhâjâ, Bânyuwangi, Bhâli tor Jakarta.
Kabhâr ka’ḍinto èpaḍâpa’ Bupati Fauzi lèbât Lora Dinas Perumahan, Permukiman bân Perhubungan (DP3) Kabupaten Sumenep, Moh Jakfar, Kamis (30/3/2023).
Lora Jakfar notorraghi jhâ’ program ladhin mudik gratis ghânèka èpabâdâ polana samangkèn ampon bulan powasa, (Ramadan 1444 H), sakejjhâ’ agghi’ pon Tellasan.
Se terrang, bânnya’ maghârsarè Sumenep sè terro molèya ka kampongnga, temmo kerrong sareng sabhârunḍhut sana’-bârâja è romana sambi ngambâ’ are tellas.
“Program itu bakal memanfaatkan jalur mudik melalui darat dan laut, akan rilis H-10 Lebaran,” ca’èpon, neng è sorat sè èsebbhâr.
Manabi sè lèbât dhârât, èngghi ka’ḍinto sè ḍâri Jakarta ka Sumenep tor sè ḍâri Sorbhâjâ ka Sumenep.
Maos Jhughân: Sumenep Kota Keris, Bhâkal Karè Nyamana tho’
Rute Sorbhâjâ ka Sumenep nèka pon abit bâḍâ. Sabellunna kaangghuy maghârsarè sè ḍâri polo. Taon samangkèn anyar polè, kaangghuy sè ḍâri Jakarta ka Sumenep.
“Kami menyediakan rute ini karena warga Sumenep yang bekerja di Jakarta cukup banyak. Jadi mereka bisa mudik dengan bus gratis ke Sumenep,” ca’èpon.
Lora Jakfar nyebbhuttaghi, bâḍâ 10 armada ebbis sè bhâkal èghuna’aghi kaangghuy mudik gratis ka Sumenep. Lalèma’ kaangghuy sè ḍâri Sorbhâjâ ka Sumenep, lalèma’ karèna kaangghuy sè ḍâri Jakarta ka Sumenep.
Maos Jhughân: Pemkab Sampang Lakukan Rotasi 9 Pejabat Tinggi
Ejhârbâ’âghi, anggârân Rp 544 juta ka’ḍissa’ ca’èpon cokop kaangghuy 8.500 panompang sè bhâkal mudik taon samangkèn.
Ngèngèngè kadhiponapa carana sopajâ ollè ladhinan mudik gratis ka’ḍinto, ḍâgghi’ H-10 arè tellas, maghârsarè bisa a aḍâptar neng è link sè ampon èsanattaghi Pamarènta.
“Tentu saja dengan melengkapi beberapa persyaratan,” ca’èpon, Jakfar tambâ majhârna’ katerranganèpon.
Salaènna ghâpanèka, Lora Jakfar jhughân maḍâpa’ kabhâr mongghu maghârsarè sè ḍâri polo, akadhiyâ sè ḍâri Polo Raas, Masalembu, Sapeken, tor Kangean. Sadhâjana bhâkal samè ollè ladhinan program ka’ḍinto.
Kaa’ngghuy orèng Raas sè bâḍâ è Situbondo, misallèpon, bisa mudik gratis lèbât jâlur tasè’.
“Kalau yang berangkat dari Pelabuhan Kalianget, ditanggung oleh Pemerintah Kabupaten Sumenep,” totok kabhâr ḍâri Lora DP3 Sumenep, Moh Jakfar.
Maos Laènna: Polowan Paparèghân Madhurâ 2 Bhâris
