DIMADURA.ID – Tarètan Madhurâ, ngèrèng parèksanè 5 macemma konsonan alos bhâsa Madhurâ è bâbâ ka’ḍinto.
5 macemma konsonan alos Bhâsa Madhurâ èpantha dhâddhi 2 macem. Sèttong, konsonan alos berrâ’. Ḍuwâ’, konsonan alos ḍhâmmang.
Saè konsonan alos berrâ’ jhughân konsonan alos ḍhâmmang panèka samè bâḍâ 5 macem aksarana.
Konsonan alos berrâ’, èngghi ka’ḍinto: Bh, Ḍh, Gh, Jh tor Dh. Sabâtara konsonan alos ḍhâmmang, èngghi ka’ḍinto: B, Ḍ, G, J tor D.
Bhidhâèpon, manabi konsonan alos berrâ’ kèngèng tambâ’ân ‘H’ è bingkèng, sabâtara konsonan alos ḍhâmmang bunten.
Langkong jhârna’èpon, nyara talèktèghi bâng-sèbâng contona oca’ (kosakata) sè kadhâddhiyân ḍari konsonan alos ḍhâmmang tor sè berrâ’ è bâbâ ka’ḍinto.
Baca Juga: 15 Contoh Salah Tulis Ejaan Bahasa Madura
Konsonan alos B tor Bh
[B – Bh]
(Bâ) bâu, bâḍâ, obâ’, bâḍḍhâ, bâli’, ombâ’, tèmbâ, bârâkay, kabâlâ, kalabân
(Bhâ) bhâu, bhâji’, bhândhâr, bhâko, tambhâ, tambhâ’, tèmbhâng
(Bi) binè’, tobi’, bilu’, tèmbing, tabing, ghumbing, tambi, nambi’, rambing
(Bhi) bhitèng, bhiru, pangorbhi, bhibbhi’, kabbhi, kalambhi, kosambhi, bhissep
(Bu) buru, bulân, tobung, bunter, obu’, rombu, lèbur, bu-abu, lèmbur, buncès, ambu
(Bhu) bhuru, robbhu, tambhuruwân, tabbhu, rebbhung, bhungka, bhuceng
(Be) èber, beḍḍhâ, rabeng, berrâ’, tombet, jhubet, ambet, rabet, jhubeng, berteng
(Bhe) kobher, bherrâ’-bherreng, lèmbher, bherruy, èbhesbhes, rèmbhet, bhetbhet
Baca Juga: Lirik Lagu Madura Viral Terbaru 2023
Konsonan alos Ḍ tor Ḍh
[Ḍ – Ḍh]
(Ḍa) taḍâ’, bâḍâ, tanḍâ’, lanḍâ’, panḍâ’, ḍâlem, ḍâḍâ, ḍârâḍḍâ’, sanḍâl
(Ḍha) ḍhâmmang, ḍhângkal, kanḍhâng, kaḍhâng, lènḍhâ, tanḍhâ, ḍhak-onḍhak
(Ḍi) manḍi, moḍi, anḍi’, toḍi’, keḍi’, buḍi, panḍirâ, ngèḍing, ngènḍing
(Ḍh) koḍhin, ḍhingkol, ḍhimpa, anḍhinna, panḍhikar
(Ḍu) aḍu, toḍus, kènḍuy, anḍus, ḍuri, tèḍung, buḍu, ḍusḍus, lanḍu’, konḍur, kamonḍurân
(Ḍhu) ḍhukon, jhuḍhu, buḍḍhu, lènḍhu, ngonḍhu, monḍhu, lanḍhu, koḍḍhu’
(Ḍe) poḍeng, bhinḍeng, onḍem, ḍengḍeng, taanḍeng, genḍeng, bhenḍem, nyarenḍem
Baca Juga: 27 Indikator Wanita Cantik menurut Orang Madura
Konsonan alos G tor Gh
[G – Gh]
(Gâ) gântheng, gâgâ’, menggâ, anggâ’, gâmbir, gârbu,
(Ghâ) ghâtè, tèghâ, lorghâ, mangghâ, ongghâ, ghâncang, mèghâ’, ghâpo, ghârbhu, langghâr
(Gi) rogi, jâgir, magi, bâgi, agiling, tranggiling
(Ghi) ghimeng, tèngghi, marongghi, ghidherren, ghinḍhung, ghintalan, mangghi, ngangghi’
(Gu) gudir, aonggu’, manggut, aguling, anggur, jânggu’
(Ghu) ghupo, roghu, toghu, aghuli, ghuru, angghu’, tèngghu, ghudhul, ghunjek
(Ge) gerger, ger-ager, jâger, magerding
(Ghe) mogher, gherdhung, sanggher, gherrâ, panggher, ghellar
Baca Juga: Banyak Tumbuh di Madura, Ternyata Ini Nama Latin dan Manfaat Buah Leng-Malengan
Konsonan alos J tor Jh
[J – Jh]
(Jâ) majâr, lajâr, majâng, ngojâ, manjâ, bujâ, rajâ, bâjâ, bhâjâ, bhâbhâjâ
(Jhâ) jhârum, jhâmbhu, panjhâk, jhâmo, jhâghung, jhângka’, jhângkrèk
(Ju) laju, junèl, kaju, juju’, anju’, toju’, ghujur, anju’, julit, ngajuwet
(Jhu) lajhu, jhubet, jhuko’, jhumbu’, jhuntrong, jhuḍhu, ngonjhur, lorjhu’, tonjhu’, pojhur
(Ji) bhâji’, jiḍur, arloji,
jhimat, lajhir, manjhilân, jhilâ, rojhing, lajhing, jhinten
(Je) jerjer, aghunjek, ajengjeng, rènjem, kejjem, kènjen
(Jhe) manjheng, jherrâ, manjher, jherruk, jhembhâr, jhemjhem, tajhem, ngonjhem
Baca Juga: Lirik Kidung Wahyu Kulosebo versi Bahasa Madura
Konsonan alos D tor Dh
[D – Dh]
(Dâ) lodâng, tellor dâdâr, andâru, landâur
(Dhâ) dhâghâng, dhâghing, adhât, pasdhâ, dhângdhâng, mandhâr, ondhâr, meddhâl
(Di) magerding,
(Dhi) raddhin, dhimbhâghâ, dhin-dhâdhin, dhindhi’, laddhing, adhudhing, mandhi
(Du) dumeng, durdur, durahman, sadulunè, salodur
(Dhu) bâddhung, dhulit, dhulat, dhuka, dhupa, maddhu, ngaddhu, ondhur, leddhu’, gherdhung
(De) derrâp, kèldem, nyalèndem, ngagâder, salènder
(Dhe) dherrep, dheddhel, kandhel, mandheng, dhengghi, dherres, apèddhel
Pokeddhân
Saka’ḍinto, manabi ètèk-talèktèghi, aḍhâsar ḍâ’ bâbirji’ân conto è attas, pasangan monyè (fonem) sè paraddhu akomopol sareng konsonan alos bâḍâ 4 macem vokal.
4 vokal ka’ḍissa’ èngghi ka’ḍinto: 1) vokal alos (â) meppet, vokal alos (i), (u) tor vokal buwi (e).
Baca Juga: 16 Contoh Seloka dan Peribahasa Madura tentang Ayam
Tajhâ’ sèttong pokeddhân mènangka rumus otabâ kaedah ejhâ’ân Bhâsa Madhurâ. Taḍâ’ conto oca’ konsonan alos sè apolong bân vokal tajhem a, è, tor o.
Dhâddhi, manabi bâḍâ konsonan alos apolong sareng vokal tajhem ḍâlem sèttong oca’, èstona bâḍâ ḍuwâ’ karèna’an.
Sèttong, orèng sè nyerrat oca’ ghâpanèka ta’ onèng abhidhâ’aghi bhâsa lèsan sareng bhâsa tolèsan. Ḍuwâ’, lerres serrattèpon, namong oca’ ghellâ’ bannè sokkla oca’ Madhurâ.
Ampon kèrana cokop ghân ka’ḍinto ḍhimèn jhâjhârbâ’ân ngèngèngè konsonan alos. Saterrossèpon, bhâḍhi kaator artikel laèn bâb konsonan tajhem tor vokal tajhem.
Baca Juga: 5 Lirik Pilihan Lagu dan Mars Hafidz Qur’an
Toro’ ghilir salastarèna, jhâjhârbâ’ân ngèngèngè bhidhâna konsonan alos D sareng Ḍ tor Dh sareng Ḍh, toro’ jhughân kalabân carana maos oca’-oca’ sè aghânḍhu’ aksara kasebbhut. Salam!
