Jurnalis Bintang Sembilan Sumenep Abhuka sareng Sahabat Abe Jatim

News, Sumenep–Ca-kanca Jurnalis Bintang Sembilan (JB9) Sumenep, Madhurâ abhuka sareng Sahabat Abe Jatim (Sahaja), Ahad 16 April 2023.

Parlo èkaonèngè, Sahabat Abe Jatim otabâ Sahaja ka’ḍinto aropa’aghi seniorra ca-kanca wartawan Sumenep.

Ḍhimèn, salagghi’ ngabdhi dhâddhi wartawan neng è Madura Channel, Koran Madura, tor SuluhMHSA (Issuu.com), Salèrana kaonang kalabân nyama Abrari Alzael.

Maos Laènna: Sèmo Bhâsana Orèng Masra’aghi Mantan Lakè’ Tèmpo Ghâbây

Saamponna arassa cokop ngabdhi dhâddhi jurnalis, Salèrana acallon dhâddhi pongghâbâ DPRD Sumenep periode 2014-2019.

Kantos samangkèn, Salèrana materros karirrèpon mènangka Sekretaris PDIP Sumenep.

Baca Juga:

Waspada Cuaca Ekstrem! BPBD Sampang Imbau Warga Siaga Hadapi Hujan Lebat dan Petir

Kabhârrâ, Salèrana bhâḍhi majhu acallon polè dhâddhi pongghâbâ DPRD Jhâbâ Tèmor taon 2024 sè bhâkal ḍâteng.

Saka’ḍinto, Mas Abè sambhâdhânnèpon, pagghun kaoladhân cè’ rakeddhâ sareng ca-kanca wartawan Sumenep, otamaèpon wartawan sè akompol dâlem Komunitas Jurnalis Bintang Sembilan (JB9).

Bhuka powasa JB9 sareng Sahaja kalampan saè tor jhumantrem, lerres neng è aula Graha Perjuangan, Jl. Jokotole, Lingkar Bârâ’, Dhisa Bhâbbhâlân, Kacamadhân Bhâtowan, Songennep.

Maos Laenna: Banyak Tumbuh di Madura, Ternyata Ini Nama Latin dan Manfaat Buah Leng-malengan

Lampa èkabidhi kalabân maos sorat Yasin areng-sareng. Lastarè aparnyo’onan, Sahabat Abe mator sato’or ḍhâḍhâbun mènangka shahibul bait.

“Akompolla ca-kanca ka’ḍinto, èsto moghâ kacatheddhâ mènangka amal èbâdâ mongghu Allah sè amorbâ jhâghât,” ca’èpon, kalabân bhâsa Indonesia.

“Sopajâ bhâdhân kaulâ sareng ca-kanca wartawan pagghun semma’, ta’ èlang pèra’ polana la bhidhâ jhâlân, bhidhâ profesi,” ḍhâbuna.

Ta’ bânnya’ sè èḍhabhuwaghi, bheḍḍhuk adân maghrib tèbhâ. Ampon ḍâpa’ bâktona kaangghuy dhuli mabhâttal powasa.

Kala’ lekkas, sabellunna bhubhâr, Sahabat Abè adhu’um pan-saponapan bherkat ḍâ’ ca-kanca Jurnalis Bintang Sembilan.

“Ta’ bânnya’ namong sabâḍâna, sakèng mandhâr rajâ’â manfaaddhâ. Mator sakalangkong,” ca’èpon.